VOKULEKESA OVANTHU POVIPUNDI Vokulekesa ovanthu povipundi vapewa otyilinga otyo opo vekukwateseko. Mbambavo tavela etyi vekupopila, ngetyi opo nomphangu patalamena omatuku-tuku, na apa una okukwata, na apa muna okupumphama, novikwavo vali.

OMBATISIMU Vana mavambatisalwa vena okupumphama povipundi vapakelwa, tyina nkhele elongomona liombatisimu liehenehimbike. Wesukisa okutyinda etwaya nomuvalo ukahi nawa, wahamonekela, umbatisalwe mo Tyasapalo komuhuka.

OVIAWA Palingwa ovilinga ovinene, pala okulanda onomakina mbokuhikisa, novikwavo vali opo ovanthu veya motyonge vatehelele nawa, atyivekwatesako okukala omapanga a Siovaa. Ine una etyi wahanda okwaava upondola okutyipaka movikasa vili omu muli nokulingilwa otyonge. Tupu upondola okulingila oviawa viove mo site donate.pr418.com. Oviawa viove vipandulwa unene. Ononkhalamutwe Mbonombangi mba Siovaa vapandula unene oviawa ulinga opo ukwateseko ovilinga Viouhamba.

OKUKWATESAKO OVANTHU Hinangela okuti oseketa oyo ikwatesako vala vana vatumbukilwa nouvela motyonge.

OVIPUKA VIAVOMBA NA VINA VIAKOYWA Ovipuka aviho viakoywa vina okutwalwa ko Seketa oyo. Inkha wavombesa otyipuka tyimwe, enda koseketa oyo opo ukaimbuke otyipuka tyove. Ovana vavomba ko vohe, tyesukisa okuvetwawala koseketa oyo. Mahi, oseketa oyo hayokulela ovana. Mbambavo, yungei nawa ovana venyi. Mweheveyekei, vakale ponthele yenyi.

OVIPUNDI Linga onthilo vakuenyi. Upondola okupaka ovipuka viove kovipundi makupumphama ava ukala navo, na vana waenda navo metuku-tuku liove, na vana ulongesa Ombimbiliya. Wahapake ovipuka viove kombanda yovipundi inkha kumapumphama-ko.

VOKULIAVA MOVILINGA VIOTYONGE Ine noove wahanda okuundapa movilinga viotyonge, enda vala Koseketa yo Vokuliava Movilinga Viotyonge, ukapewe ovilinga.