Lilongesila kovanthu vapopiwa m’Ombimbiliya:

• 2Eh 32:​2-8 — Ohamba Isekiya wapamekele ovanthu vae etyi ova Asilia veya okuvelwisa.

• Nda 10:​2, 8-11, 18, 19 — Omuuli Ndaniyele ankho wakulupa-le, tupu ankho wasoya vala, mahi oandyu imwe aimupameka.

 Lilongesila kovanthu vapopiwa m’Ombimbiliya:

• Epa 3:28; 31:​7, 8 — Siovaa watumine Mwisesi apameke Susuwee mokonda pahe ankho oe mahongolela ovanthu vae. Mwisesi ngatyo umwe alinga.

• Ovi 11:​22-26; 14:22 — Ovo Paulu na Mbalanambee vapamekele ovalanduli va Kilisitu voko Andiokiya, mokonda ankho vekahi nokuhukaiswa.

Lilongesila kovanthu vapopiwa m’Ombimbiliya:

• Vak 11:​37-40 — Ovahikwena vomo Isilayeli, omanima aeho ankho vakapila omona wa Sefetee, opo vekemupandule mokonda yeetyi etavela okusapo eumbo liae, akakala mekaka liefendelo.

• Eho 2:​1-4 — Sesusi waviyulile ovalanduli vae voko Efesu, mahi tupu wapandulile ovipuka oviwa ankho valinga.

Lilongesila kovanthu vapopiwa m’Ombimbiliya:

• 1Sa 23:​16-18 — Etyi Ndaviti ekahi nokuhukaiswa, Sonataa wemwovolele opo emupameke.

• Swa 16:33 — Sesusi wapamekele ovalongwa vae, evepopila okuti navo mavetyivili okukoleleya ine vemuhetekela.

• Ovi 28:​14-16 — Etyi Paulu akwatwa atwalwa no ko Loma, wati vala hikee avasa-mo vakwavo veya okumutala, otyo atyimupameka unene.

Lilongesila kovanthu vapopiwa m’Ombimbiliya:

• Omb 11:​10-15 — Mwisesi wanumanene unene mokonda yova Isilayeli ankho vehetavela, vakalela vala okuñgoñga.

• Omb 13:​31, 32; 14:​2-6 — Etyi ovalavi 10 vapopile tyasoyesile vakwavo, pahe ova Isilayeli avehetavela vali ku Siovaa.

Lilongesila kovanthu vapopiwa m’Ombimbiliya:

• 2Eh 20:​1-19 — Etyi Ohamba Seosafaa veya okulwiswa novita vimwe ovinene, waihanene ova Isilayeli velikwambele ku Siovaa.

• Ovi 12:​1-5, 12-17 — Etyi Tiaku aipawa, pahe Petulu apakwa mokaleya, vomewaneno lyo mo Selusalei ankho veliongiya otyo vemwitilako ku Siovaa.

Lilongesila kovanthu vapopiwa m’Ombimbiliya:

• Ehi 39:​19-23; 40:​1-8 — Namphila Susee atendelenyinwe apakwa mokaleya, mahi nongootyo kayekelepo Siovaa ya akwatesako vakwavo.

• 2Oh 6:​15-17 — Etyi ovanthu vamwe vahandele okukwata Eliseu, ngwe ahatili owoma, mahi aitilako omuundapi wae nae ahatile owoma.

Lilongesila kovanthu vapopiwa m’Ombimbiliya:

• 1Sa 1:​10, 11, 17, 18 — Etyi Ana ankho asoya, welikwambelele ku Siovaa, Siovaa emwavela etyi aita ya emukwatesako okukala nombembwa.

• 1Oh 19:​1-19 — Etyi omuuli Iliya ankho asoya, Siovaa wemupamekele emupopila evi ankho malingi, pahe Iliya akala nawa.

Lilongesila kovanthu vapopiwa m’Ombimbiliya:

• Som 14:​1, 2, 7-9, 13-15 — Nthiki imwe etyi Sombe ankho asoya, tyemupamekele okusoka ketutilo.

• Da 12:13 — Namphila Ndaniyele ankho akulupa-le, ankho ena-le omanima ehungi po 100, wapamekelwe noandyu aimupopila oviwa makamona komutwe wandyila.

Lilongesila kovanthu vapopiwa m’Ombimbiliya:

• 1Sa 30:​1-9 — Tyina Ndaviti ankho ena ovitateka, ankho ulikwambela ku Siovaa opo emupameke.

• Lu 22:​39-43 — Etyi Sesusi eihamenwa unene, welikwambelele ku Siovaa, pahe Siovaa atumu oandyu imupameke.

Lilongesila kovanthu vapopiwa m’Ombimbiliya:

• Ovi 15:​2-4 — Ovo Paulu na Mbalanambee ankho vapameka unene ovanthu momawaneno vatalelapo.

• 3Swa 1-4 — Etyi Swau akulupa-le, tyemupamekele unene okweiva okuti ava alongesile oviwa ovipe, ankho vatwalako okufenda Siovaa.