Okutauluka omutete

Okutauluka omutete wononthele

Nyingila (opens new window)
Okuovolola mo JW.ORG

Otyinepo

Otyinepo

Otyinepo tyatuka-pi?

Ehi 1:​27, 28; 2:​22-24; Mt 19:​4-6

Ombangi ya Siovaa una vala okulinepa nomunthu patyi?

Omokonda yatyi Onombangi mba Siovaa vehetavelela ovana vavo vambatisalwa velinepe nou wahafende Siovaa?

1Ko 7:39; 2Ko 6:​14, 15

  • Lilongesila kovanthu vapopiwa m’Ombimbiliya:

    • Ehi 24:​1-4, 7 — Ambalayau ankho kahande omona wae Isake anepe ovahikwena vomo Kanaa mokonda ankho vafenda ovikahuku, mahi ankho uhanda vala anepe omukai ufenda Siovaa.

    • Ehi 28:​1-4 — Isake wapopilile omona wae Sakoo ahanepe ovahikwena vomo Kanaa, anepe vala una ufenda Siovaa.

Siovaa ukala ñgeni tyina omunthu umufenda velinepa nou wehemufende?

Epa 7:​3, 4

  • Lilongesila kovanthu vapopiwa m’Ombimbiliya:

    • 1Oh 11:​1-6, 9-11 — Siovaa wanumanenene Ohamba Salomau mokonda kemutavelele, akanepa ovakai vo kovilongo ovikwavo. Ovakai ovo avemuhindila okufenda ovikahuku.

    • Ne 13:​23-27 — Neemiya wanumanene unene etyi ovalume vomo Selusalei vakanepa ovakai vo kovilongo ovikwavo ankho vahafende Siovaa, evepopi, vamwe evemasula umwe.

Omokonda yatyi otyiwa okulinepa vala nomunthu ufenda Siovaa, upopiwa nawa mewaneno?

Omih 18:22; 31:​10, 28

Tupu tala Ef 5:​28-31, 33

  • Lilongesila kovanthu vapopiwa m’Ombimbiliya:

    • 1Sa 25:​2, 3, 14-17 — Namphila Nambale ankho ena-tyo umwe, mahi otyinepo tyavo ankho katyikahi nawa mokonda Nambale ankho omukalavi.

    • Omih 21:9 — Ine katuholovona nawa omunthu matulinepe nae, kamatukala nawa, matulietela vala.

    • Lo 7:2 — Omutumwa Paulu wapopia okuti omukai tyina anepwa una okutavela komulume wae namphila omukwankhali. Mahi omukai una onondunge utala umwe nawa ou mavelinepe nae.

Okulifwiika pala otyinepo

Omokonda yatyi omukwendye uhanda okunepa nkhele una okusoka nawa ine metyivili umwe okutekula vomeumbo liae?

1Ti 5:8

  • Lilongesila kovanthu vapopiwa m’Ombimbiliya:

    • Omih 24:27 — Omulume tyina ehenenepe, tete una okuundapa opo haa etyivile okutekula vomeumbo liae.

Omokonda yatyi otyiwa ovanthu veli nokulihanda vatomphole nomunthu mevepakailamo onondunge, ya omokonda yatyi otyiwa velinoñgonoke umwe nawa avehelitale vala kolupe?

Omih 13:10; 1Pe 3:​3-6

  • Lilongesila kovanthu vapopiwa m’Ombimbiliya:

    • Lut 2:​4-7, 10-12 — Mboasi wamwene okuti Luti uundapa unene, ovanthu vemupopia nawa, velivila na ina-ivi, tupu uhole unene Siovaa.

    • Lut 2:​8, 9, 20 — Luti wamwene okuti Mboasi una okankhenda, una otyali, ya uhole unene Siovaa.

Siovaa kahande ovanthu vokulihanda valinge ovipuka viasila mokonda yatyi?

Nga 5:19; Klo 3:5; 1Te 4:4

  • Lilongesila kovanthu vapopiwa m’Ombimbiliya:

    • Omih 5:​18, 19 — Vokulihanda vena ovipuka vahapondola okulinga, vilingwa vala naava velinepa.

    • Otyii 1:2; 2:6 — Omuhikwena woko Sunei nomukwendye wae omunthita namphila ankho velipopila umwe ovipuka viovanthu velihanda, mahi ankho kavalingi ovipuka viasila.

    • Otyii 4:12; 8:​8-10 — Omuhikwena woko Sunei ankho kalingi ovipuka viasila, ankho ukahi ngotyitaka tyahondywa.

Omokonda yatyi vana vahanda okulinepa vena umwe okuhonekesa otyinepo tyavo kukaputu?

Mt 22:21; Lo 13:1; Tit 3:1

Otyilinga tyomulume

Oityi Siovaa akevelela kovalume vokwanepa?

Ef 5:​23, 25, 28-31, 33

Olie vana vokwanepa vena okuhetekela?

1Ko 11:3; Ef 5:23

Omokonda yatyi otyiwa omulume alinge ovipuka vilekesa okuti uhole omukai wae ya usuka umwe nae?

Klo 3:19; 1Pe 3:7

  • Lilongesila kovanthu vapopiwa m’Ombimbiliya:

    • Ehi 21:​8-12 — Siovaa wapopilile Ambalayau atehelele nawa omukai wae, namphila etyi Sala apopilile Ambalayau ngoti ankho katyikahi nawa.

    • Omih 31:​10, 11, 16, 28 — Omulume ukahi nawa kakalela vala okuyunga omukai wae, katale vala kovipuka ovivi alinga, mahi umuyumba onthumbi ya upandula ovipuka oviwa alinga.

    • Ef 5:33 — Omutumwa Paulu wapopia okuti omukai utyihole tyina atala omulume wae ulinga ovipuka vilekesa okuti umuhole.

Otyilinga tyomukai

Otyilinga patyi Siovaa apa vana vanepwa vemufenda?

Ehi 2:18; Klo 3:18; Tit 2:​4, 5

Okuti omukai una vala otyilinga tyihasilivila-le?

Ehi 1:​26-28, 31; 2:18

  • Lilongesila kovanthu vapopiwa m’Ombimbiliya:

    • Omih 1:8; 1Ko 7:4 — Huku waavela otyilinga tyimwe otyinene ovakai vokwanepwa meumbo.

    • 1Ko 11:3 — Omutumwa Paulu wapopia okuti onthwe atuho tuna ou wetukalela komutwe, wehena vala o Siovaa.

    • Heb 13:​7, 17 — Ovanthu aveho mewaneno tyilinge ovalume tyilinge ovakai, vena okuundapela kumwe nokutavela ku vana vevekalela komutwe.

Oityi omukai ufenda Huku wanepwa nou wehe Mbangi ena okulinga ahambukiswe Siovaa?

1Ko 7:​13-16; 1Pe 3:​1, 2

Omokonda yatyi otyiwa omukai akale nonthilo nomulume wae?

Ef 5:33

  • Lilongesila kovanthu vapopiwa m’Ombimbiliya:

Omukai patyi wapopiwa nawa m’Ombimbiliya?

Omih 19:14; 31:​10, 13-31

  • Lilongesila kovanthu vapopiwa m’Ombimbiliya:

    • Ehi 24:​62-67 — Lembeka wapamekele unene omulume wae Isake etyi asiwa-po na mee yae.

    • 1Sa 25:​14-24, 32-38 — Ambingaili wakwatesileko omulume wae ankho wehena onondunge, novaundapi vae okuhupa etyi mavaipawa na Ndaviti.

    • Sit 4:​6-17; 5:​1-8; 7:​1-6; 8:​3-6 — Sitele okwenda kohamba tyahaihanenwe ankho upondola umwe okwipawa, mahi waile-ko umwe namphila ankho ahaihanenwe mokonda ankho uhanda okuyovola ovanthu va Huku.

Okutetulula ovitateka

Onotesitu patyi mbupondola okukwatesako ovalinepi okutetulula ovitateka viavo?

1Ko 13:​4-8; Ef 5:33; Klo 3:​12-14

Onotesitu patyi mbupondola okukwatesako ovalinepi okwehesuku unene nonombongo?

Lu 12:15; Flp 4:5; 1Ti 6:​9, 10; Heb 13:5

Tala vali pokwati: “Onombongo”

Onotesitu patyi mbupondola okukwatesako ovalinepi okulitekula nawa novohe-ivi?

Ovii 34:14; Mt 19:​5, 6; 1Ko 13:​4, 5

Onotesitu patyi mbupondola okukwatesako ovalinepi konthele yotyinepo tyopoula?

Omih 5:​15-20; Mt 5:​27, 28; 1Ko 7:​3-5; 10:24; Flp 2:4; Heb 13:4

Omokonda yatyi otyiwa ovalinepi valinge ononkhono mbokutala vali kovipuka oviwa mukwavo alinga?

Ovii 103:14; 130:​3, 4; Omih 17:9; 1Pe 4:8

Omokonda yatyi otyiwa ovalinepi velievele avehelipakela onkhongo?

Ovii 37:8; Omih 14:29; Ef 4:​26, 27; Tia 1:​19, 20

Omokonda yatyi hatyiwa-ko omunthu wa Huku apopie onondaka mbuleva, nokuveta ou velinepa nae?

Ovii 11:5; Nga 5:​19-21; Ef 4:​31, 32; Tit 3:2

Oityi vokwelinepa vesukisa okulinga tyina vehelivilile?

Ovii 34:14; Mt 5:9; Lo 12:​17, 18, 21

Oviwa patyi vituka-ko tyina vokwelinepa vaendela movitumino vya Siovaa?

Omp 4:​9-12

Etyi Ondaka ya Huku ipopia tyayemba kotyinepo

Oityi Siovaa apopia ovalinepi vahapondola okulinga?

Omih 6:32; Mt 5:​27, 28; 1Ko 6:​9, 10; Heb 13:4

Okuti tyaviuka ovanthu va Huku okunepa oluvale?

Mt 19:​8, 9; 1Ko 7:2; 1Ti 3:​2, 12

Oñgeni tutyii okuti vena okulinepa omukai nomulume vala?

Ehi 2:​18, 22, 24; Mt 19:​4-6; Lo 1:​23-27

Huku kahande vokwelinepa veliyapuke

Mku 10:​6-9; Lo 7:​2, 3; 1Ko 7:​10, 11

Onalupi vokwelinepa vapondola okulihenga?

Mt 5:32; 19:9

Siovaa ukala ñgeni tyina atala ovanthu velihenga, mahi apehena ou waenda mukwavo konyima?

Mal 2:​13-16

Tyina umwe povalinepi amanyimi, okuti mukwavo upondola okunepa vali?

Lo 7:​2, 3; 1Ko 7:39

 

Hamwe Noove Uhanda

PAHUKEI!

Etyi Tyitunga Eumbo — Undapelei Kumwe

Okuti pahe ngoti mukala vala kumwe, ngoti kamuelinepele-ale?

OMUTALA WOMULAVI

Valume​—Pamekei Omaumbo Enyi

Ombunga ipondola okukala nolumono olunyingi, mahi aikala notyitateka konthele onkhuavo yakolela unene.

ONTHUE VALIE

Ita na Ulongeswe

Lilongesa epulo limwe lyo Mbimbiliya, ine konthele yo Nombangi mba Siovaa.

EVI OMBIMBILIYA IPOPIA VIKWATESAKO OVANTHU VA HUKU

Otyinepo

Nyaneka
Otyinepo
https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png
scl pp. 86-90
POLAMO ETYI UHANDA
Otyinepo
Opções de download de publicações Evi Ombimbiliya Ipopia Vikwatesako Ovanthu va Huku