Putyino una epanga uhole unene, ove mohande okuhetekela ovituwa viae. Ombimbiliya yati: “Huku omuwa no muviuki.” (Salmo 25:8) Opo ukale epanga lia Huku, una yokukala omuwa no muviuki. Ombimbiliya yati: “Mokonda muvana va Huku, muhetekelei. Nokutualako okuenda nohole.” (Efésios 5:1, 2) Tutalei oñgeni tupondola okutyilinga:

Kuatesako vakuenyi: “Tulingei ovipuka oviwa pala aveho.”—Gálatas 6:10.

Undapa nononkhono. “Otyimphulu tyihavake vali, anthi tyiundape nononkhono. . . ”—Efésios 4:28.

Kala tyasukuka molutu no kovituwa. “Tukalei tyasukuka molutu nomomutima. Nokutualako no kukala nonthilo na Huku.”—2 Coríntios 7:1.

 Kala nohole nokuhumba aveho mombunga yove. “Omulume akale nohole nomukai wae ngetyi muene elihole; tupu omukai akale nehumbo enene nomulume wae. Ovana vatavele kovohe no voina.”—Efésios 5:33–6:1.

Kala nohole navakuenyi. “Tutualeiko okukala nohole navakuetu, mokonda ohole itunda ku Huku.”—1 João 4:7.

Tavelei kovatumini votyilongo. “Kese munthu atavele kovatumini. Okuveavela etyi vatokala. Wiita elilimu muavelei elilimu.”—Romanos 13:1, 7.