Putyino una epanga mutomphola. Ove umutehelela, iya nae ukutehelela. Ove tupu upopia ovipuka oviwa kombinga yepanga liove. Otyo otyipuka tyike nokukala epanga lia Huku. Tutalei etyi Ombimbiliya ipopia:

Tomphola apeho na Yehova melikuambelo. “Tualako nokulikuambela.”—Romanos 12:12.

Tanga Ombimbiliya. “Ovihonekua aviho viatunda ku Huku vina esilivilo pala okulongesa, okuviyula, nokuviukisa ovipuka aviho.”—2 Timóteo 3:16.

Longesa vakuenyi kombinga ya Huku. “Endei kalongesei ovanthu aveho valinge ovalongwa vange, . . .okuvelongesa okulinga ovipuka aviho nemutuma.”—Mateus 28:19, 20.

 Lipaka kumue nomapanga a Huku. “Omunthu weenda novanongo ukala omunongo.”—Provérbios 13:20.

Enda komaliongiyo Onombangi mba Yehova. “Tulipamekei kumue navakuetu okukala nohole nokulinga ovilinga oviwa.”—Hebreus 10:24, 25.

Kese munthu aave etyi enatyo pala okukuatesako ovilinga via Huku. “Kese umue aave etyi atokola momutima wae. Ahaave nomutima omuvi, ine okukuluminyua, mokonda Huku uhole omunthu wava nehambu.”—2 Coríntios 9:7.