POKUHIMBIKA ETOMPHO
ELONGESO 3
Linga Omunthu Wokankhenda
Etyi Ombimbiliya ipopia: “Olwembia . . . luna onkhenda.” — 1 Kol. 13:4.
Oityi Sesusi Alingile?
1. Tala OVINDIU, okuti hatyo, tanga Swau 9:1-7. Pahe haa osoko komapulo aa:
-
Oityi Sesusi atetekela okulinga — okuhakula omulume omumphoki, ine okumupopila oviwa ovipe pahe emuhakula nawa? — Tala Swau 9:35-38.
-
Mokutala, oityi tyapele omulume una okusuka nokutehela oviwa ovipe ku Sesusi?
Oityi Tulilongesila ku Sesusi?
2. Omunthu mesuku vali nokutehelela etyi tupopia tyina etyimona okuti twesuka nae.
Hetekela Sesusi
3. Kala nokankhenda novanthu. Soka komunthu, oñgeni ekahi, oityi eli nokusoka.
-
Lipula ñgaa: ‘Oityi tyimulingisa otyiho? Oityi tyipondola okumukalesa nawa? Oityi mesuku vali natyo?’ Ine otyo ulinga otyo, evi ulinga, noomu mopopila, matyimoneka okuti una okankhenda.
-
Tehelela umwe nawa etyi omunthu ekahi nokupopia, tyimoneke okuti wesuka nae. Ine ukupopila etyi eli nokusoka, hamwe otyitateka eli nokulwa natyo, wahapilulule etompho opopi otyikwavo.
4. Popia nonkhenda, nonthilo. Ine omunthu wemwetehila-mo umwe okankhenda tyotyotyili, wahanda umwe okumukwatesako, matyimonekela omu mopopila nae. Soka umwe nawa onondaka mopopi, nondaka yatyo omu mayiivalela, liyunga kokupopia evi vipondola okumunumaneka.
5. Kwatesako ovanthu. Tala umwe nawa, wahapumbwe onomphitilo mbokukwatesako ovanthu mweetyi vesukisa okukwateswako. Okulinga omunthu okankhenda, tyipondola okumutwala kokusuka nokutomphola noonthwe.
