POKUHIMBIKA ETOMPHO
ELONGESO 4
Lipaka Koututu
Etyi Ombimbiliya ipopia: “Lipakei koututu, tyina muna vakwenyi valinge ovanene vali kwoonwe.” — Fili. 2:3.
Oityi Paulu Alingile?
1. Tala OVINDIU, okuti hatyo, tanga Ovilinga 26:2, 3. Pahe haa osoko komapulo aa:
-
Oityi tyilekesa okuti Paulu welipakele koututu pokupopia Nohamba Angilipa?
-
Oityi Paulu alingile tyimoneke okuti etyi apopia tyitunda ku Siovaa no Movihonekwa, katyitundu mwe? — Tala Ovilinga 26:22.
Oityi Tulilongesila ku Paulu?
2. Ovanthu mavesuku vali neetyi tupopia, tyina tuvepopila-tyo nomutima weliola, nonthilo.
Hetekela Paulu
3. Wahapopie nomahuku. Wahatie tyina upopia olingi ngatyina uti ove wii atyiho mukwenyi utupu-ale etyi ei. Popia nonthilo.
4. Tyimoneke okuti otyili upopia tyitunda m’Ombimbiliya. Mondaka ya Huku omo vala muna onondaka mbupondola okukwatesako omunthu. Tyina tulongesa ovanthu Nondaka ya Huku, tukahi nokuveyulikisa mweetyi tyaviuka vena okuyumba onthumbi.
5. Popia nomapole. Wahatutumbe vala nokuti etyi ove uli nokupopia otyo tyaviuka. Onthwe katuhande okulitesa onkhango na vakwetu. Popia tyapoleya, ine utala matyeeta onondaka oyeke-ko, opo tyimoneke okuti ulipaka koututu. (Omih. 17:14; Titu 3:2) Okupopia nomapole, tyipondola okutwala omunthu kokusuka nokututehela onthiki onkhwavo haa matutomphola vali nae.
