Pamwe tuvasa ovanthu vamwe, vahula okuti vapula ovipuka ovinyingi, pamwe tupu kavetavela etyi onthwe tupopia, mahi vesuka umwe notyili. Okuvasa ovanthu vatyo ngoovo, tutomphola umwe ehimbwe, mokonda onthwe twahanda okutomphola na vana “vesuka umwe natyo vehiwa omwenyo wahapu.” — Ovil. 13:48.

Mahi ine omunthu wanumana, wahanda vala okuyaya nokulitesa onkhango, hamwe nokutomphola noonthwe kahandele, tulinga ñgeni? Opo hahe etompho litalame, mahi otyilingi umwe tyapoleya, amulilekela umwe nawa. (Omih. 17:14) Pokulilekela opo, lilekelei umwe nawa, hamwe nthiki imwe usuka nokutomphola noonthwe. — 1 Pet. 2:12.