Etyi Una Okulinga Unoñgonoke Nawa Etyi Molongeswa
Nkhele tete tanga onondaka mbupopia etyi tyili momukanda omu. Pahe otale OVIDIU.
ONONDAKA MBO TETE
Tyina utanga etyi ha mamuya okulilongesa, tanga onondaka mbo tete, nomapulo atyo, (A) nono tesitu mbo Mbimbiliya (B) mbukumbulula omapulo. Tyina utanga, ono tesitu mbokuatiwa “tanga,” mbutanga umwe.
ONONDAKA MBO POKATI
Pana pokuati “Kuhande Okunoñgonoka Vali?” papopia etyi molilongesa (C). Pana pena onombalulo (D), pena etyi omunthu ena okusuka vali natyo. Tanga ono tesitu, kumbulula omapulo, otale ono vidiu mbatyo.
Pana pokuati OVIDIU, ngotyo pena umwe ovidiu yatyo ipopia etyi muli nokulilongesa. Onovidiu mbumwe mbupopia umwe etyi tyalingwa. Ononkhuavo, ovanthu vahetekela vala etyi tyihole okulingwa.
Tala ono foto, nonondaka mbuli pombuelo yono foto (E). Soka oñgeni mokumbulula omapulo avasiwa apa pokuati “Ovanthu Vamwe Vati” (F).
ONONDAKA MBOKUMANUHULA
Tyina muhika apa pokuati “Etyi Welilongesa” no pokuati “Okupitulula,” opo ngotyo elongeso liya nokupwa (G). Tyina muamamane okulilongesa elongeso limwe, honeka-po onthiki muamana. Pokuati “Hetekela Okulinga Ñgaa” (H) movasi-mo vimwe upondola okulinga okutuka opo okuenda no komutwe. Apa pokuati “Kuhande Okuovola Vali” (I) pena ovipuka vimwe hamwe mopande.
Etyi Tyilimo
|
|
|
|
Oñgeni movasi ono tesitu mo Mbimbiliya
Ombimbiliya ina omikanda 66 omitutu. Yatepulwa ononthele onombali. Onthele imwe yahonekwa melaka lyo Hebeleu no lyo Alamaiku, ei hono ovanthu vati “Otestamendu Onkhulu.” Onkhuavo yahonekwa pomuvo wo Vakilisitau melaka lyo Ngeleku, ei hono ovanthu vati “Otestamendu Omphe.”
Enyina limoneka pombanda, omukanda watyo (A). Ombalulo onene yatyo, okapitulu (B), onthutu yatyo o velesikulu (C).
Soka ñgeno wavasa otesitu ya Suau 17:3. Suau, omukanda watyo; 17 okapitulu; 3 o velesikulu yatyo.
