ELONGESO 25
Oityi Huku Ahandela Ovanthu?
Ombimbiliya ipopia okuti omunthu ‘kakalako ehimbwe, mahi ngwe tyina ena omwenyo otyo ena vala ovitateka.’ Otyo umwe tyili tuhole okumona! (Jó 14:1) Otyo umwe Huku ahandela ovanthu otyo? Opo naina, oityi muene-muene etutungila? Okuti etyi ankho ahandela ovanthu nthiki imwe ha metyilingi? Tala oñgeni Ombimbiliya ikumbulula omapulo oo aeho.
1. Siovaa uhanda tukale ñgeni?
Siovaa uhanda tukale nomwenyo umwe omuwa. Etyi atunga ovanthu vo tete, ovo Andau na Eva, evepake mohika imwe ongwa ankho mutiwa omo Endene, “evepe elao, ati: ‘Lityitei, kalei ovanyingi; yulisei ohi amwiitumina.’” (Gênesis 1:28) Siovaa ankho uhanda vakale novana, avalimi, avayungu ovinyama. Naina Siovaa ankho uhanda ovanthu vakaleko apeho avahavela-vela.
Ovipuka hono kavikahi-ko ngetyi Huku evihandelele. a Mahi muene-muene etyi Huku ahandela ovanthu na hono utyii, ketyilimbuilwe. (Isaías 46:10, 11) Uhanda ovanthu vatyo aveho vokumutavela vakaleko apeho nehambu. — Tanga Eholololo 21:3, 4.
2. Oityi tuna okulinga tukale-vo nawa pehepano?
Ovanthu atuho momitima vietu, tuhanda ñgeno tunoñgonoka Siovaa atumufende. Siovaa otyo umwe etutunga ngotyo. (Tanga Mateusi 5:3-6.) Siovaa uhanda tukale omapanga ae, ‘atumuhumbu, atuendela monondyila mbae,’ atumulingila ‘nomutima wetu auho.’ (Deuteronômio 10:12; Salmo 25:14) Ine otyo tulinga otyo, matuhambukwa, atukala vala nawa naapa umwe tuna ovitateka. Tyina tufenda Siovaa tuhambukwa mokonda tuli nokulinga etyi ahanda tulinge.
KUHANDE OKUNOÑGONOKA VALI?
Monoñgonoka okuti tyili Siovaa uhole umwe ovanthu, tala vala etyi atunga ouye. Tupu motale mo Mbimbiliya oityi Huku atungila ovanthu.
3. Siovaa uhanda ovanthu aveho vakale nawa
Talei OVIDIU, amutomphola epulo eli:
-
Oityi ohi Huku eitungila nawa ñgaa?
Tangei Eclesiastes 3:11, amutomphola epulo eli:
-
Oityi wamona tyapopia otesitu ei, Siovaa ahandela ovanthu?
4. Etyi Siovaa ahandelele ovanthu na hono otyo vala
Tangei Salmo 37:11, 29 na Isaías 55:11, amutomphola epulo eli:
-
Okutala ku etyi tyapopia onotesitu ombo, oityi tuyumbilako onthumbi yokuti etyi Siovaa ahandelele ovanthu na hono otyo vala?
Ondyuo yateka-teka itavela okuitunga vali nawa aihiwa. Nohi hono ovanthu veli nokuinyona, mahi Siovaa utyivila okuiviukisa aikala nawa mukale vala vana vemuhole
5. Okufenda Siovaa tyitukalesa nawa
Okunoñgonoka oityi Huku etutungila tyitukuatesako atukala nehambu. Talei OVIDIU, amutomphola epulo eli:
-
Etyi Terumi anoñgonoka etyi Siovaa atungila ovanthu, oñgeni tyemukuatesako?
Tangei Eclesiastes 12:13, amutomphola epulo eli:
-
Siovaa wetulingila ovipuka ovinyingi. Pahe oityi no onthwe tuna okumulingila?
INE HAMWE PAMONEKA OMUNTHU UMWE EKUPULU OKUTI: “Kouye tueya okulinga-ko tyi?”
-
Ñgeno wemutiwi?
ETYI WELILONGESA
Welilongesa okuti Siovaa uhanda tukaleko apeho, tyili vala nawa! Tupu wamona okuti ine tufenda Siovaa matukala nehambu pehetyino.
Okupitulula
-
Oityi Huku ahandelele ovo Andau na Eva?
-
Oityi tutila umwe etyi Siovaa ahandelele ovanthu na hono otyo vala?
-
Oityi matyikukuatesako ukale nehambu?
KUHANDE OKUOVOLA VALI?
Otyitaka tyo Endene tyili tyaliko umwe. Tanga vala onthelei ei utyitale.
“Otyikunino tyo Endene Otyili ine Ounkhembi?” (Omutala Womulavi 1 ya Fevereiro yo 2011)
Oityi tutila umwe eheke malikalako vala apeho?
Tala ovipuka Ombimbiliya yapopia omunthu ena okulinga akale nehambu.
Omukulu ou ankho una-tyo, mahi ankho utupu ehambu.
a Melongeso 26 monoñgonoka oityi ovipuka viatyopokela.
