ELONGESO 27
Ononkhia Mba Sesusi Mbetuyovola
Onthwe tumona tupu emone, tunkhia tupu, pamwe nevi tulinga viapenga vala, omokonda yovo Andau na Eva valingilile umwe tyawina avehetavela ku Huku. a Mahi Huku ketuyekele vala ngotyo. Watumine Omona wae Sesusi Kilisitu etuyovole konkhali no kononkhia. Ombimbiliya yapopia okuti Sesusi una tyimwe afeta etuyovole. Otyipuka afeta, omwenyo wae wehena onkhali. (Tanga Mateusi 20:28.) Sesusi etyi eya pano pohi ankho ñgeno ukala-kalako umwe apeho ahankhi vali. Mahi etavela okunkhia ayovole ovanthu. Okwetavela vala okunkhia ongatyina afeta ongele yovo Andau na Eva. Pahe onthwe atuho tupondola okukala nomwenyo una omuwa ovo Andau vali nao. Pahe tuetyimona umwe nawa okuti ovo Siovaa na Sesusi vetuhole unene. Tyina wamelilongesa elongeso eli, mopandula unene etyi Sesusi etulingila.
1. Oñgeni ononkhia mba Sesusi mbutukuatesako hono?
Onthwe tuna onkhali, otyo pamwe tulingila evi viapenga, vinumanesa Siovaa. Ine tuna etyi tualinga tyapenga, atulivele, atuiti Siovaa etuevele, atuehetyipalaika vali, Siovaa metupolelapo. Naina etyi tyalinga Sesusi, tyitukuatesako tukale omapanga a Huku naapa umwe tupengesa. (1 Suau 2:1) Ombimbiliya yapopia okuti: ‘Kilisitu wankhila ononkhali like vala, atee-tee. Omunthu umwe omuviuki wankhila ovanthu vehevaviuki, evetwale ku Huku.’ — 1 Petulu 3:18.
2. Oñgeni ononkhia mba Sesusi mambuketukuatesako komutwe wandyila?
Siovaa watuma omona wae ankhile ovanthu “opo kese omunthu [uyumba onthumbi mu Sesusi] ahakahanyue-ko, mahi akakale nomwenyo uhapu.” (Suau 3:16) Sesusi walingile wankhile! Pahe Siovaa mamaneko ovivi aviho viatuka kokwehetavela kwa Andau. Ine tutavela umwe okuti etyi Sesusi ankhia wankhila onthwe, matukakalako apeho mouye umwe ukahi nawa. — Isaías 65:21-23.
KUHANDE OKUNOÑGONOKA VALI?
Monoñgonoka oityi Sesusi ankhila. Tupu motale oñgeni ononkhia mbae mbutukuatesako.
3. Sesusi wankhia etuyovole konkhali no kononkhia
Talei OVIDIU, amutomphola epulo eli:
-
Oityi Andau apumbwa etyi ehetavelele ku Huku?
Tangei Ova Loma 5:12, amutomphola epulo eli:
-
Onthwe pahe hono tuli ñgeni kombanda yonkhali ya Andau?
Tangei Suau 3:16, amutomphola epulo eli:
-
Omokonda yatyi Siovaa atuminine omona wae pano pohi?
-
Andau wali omunthu umwe wehena onkhali, mahi etyi aanya Huku, ayambulisa ovana vae onkhali nononkhia
-
Sesusi nae wali omunthu umwe wehena onkhali, mahi wetavelele ku Huku. Etyi etavela ngotyo, onthwe matukayovoka konkhali no kononkhia
4. Sesusi wankhila ovanthu aveho
Talei OVIDIU, amutomphola epulo eli:
-
Oñgeni ononkhia mbomunthu wike vala mbakayovola ovanthu ovanyingi-nyingi?
Tangei 1 Timotiu 2:5, 6, amutomphola epulo eli:
-
Andau wali omunthu umwe wehena onkhali, mahi etyi aanya Huku, ayambulisa ovana vae onkhali nononkhia. Sesusi nae wali omunthu umwe wehena onkhali. Pahe oñgeni ononkhia mba Sesusi mbafeta umwe etyi tyata monkhali ya Andau?
5. Siovaa watuma Sesusi ekuyovole
Omapanga a Siovaa vetyii okuti Siovaa uvehole, otyo atumina Omona wae eveyovole. Tangei Ova Galata 2:20, amutomphola epulo eli:
-
Mo tesitu tuatanga, oityi tutila apositolu Paulu ankho utyii okuti Sesusi wankhia emuyovole?
Andau wankhia mokonda yetyi alinga. Pahe no onthwe tunkhia mokonda ya Andau. Siovaa watumine Omona wae ankhie, opo ove ukakaleko apeho.
Tangei Suau 19:1-7, 16-18, mutale oñgeni Siovaa tyemuihamene etyi Omona wae amoneswa emone, aipawa. Tyina muamatange, amutomphola epulo eli:
-
Pahe tyekukalesa-vo ñgeni etyi wamona etyi ovo Siovaa na Sesusi vekulingila?
INE HAMWE PAMONEKA OMUNTHU UMWE EKUPULU OKUTI: “Oñgeni omunthu wike, akankhila ovanthu aveho?”
-
Ñgeno wemutiwi?
ETYI WELILONGESA
Welilongesa okuti Siovaa utupolelapo ononkhali mbetu mokonda Sesusi wankhila onthwe. Tupu wamona okuti matukakalako vala apeho mokonda yetyi Sesusi etulingila.
Okupitulula
-
Oityi Sesusi ankhililile?
-
Oñgeni ononkhia mba Sesusi mbafeta umwe etyi tyata monkhali ya Andau?
-
Oñgeni ononkhia mba Sesusi mbutukuatesako?
KUHANDE OKUOVOLA VALI?
Tanga onthele ei utale oityi tutila ononkhia mba Sesusi ofeto.
“Oñgeni Ononkhia Mba Sesusi Mbuyovola Ovanthu Ovanyingi-Nyingi?” (Mo jw.org)
Tala etyi tuna okulinga tuyovolwe na Siovaa.
Okuti Siovaa utupolelapo umwe na tyina twamalingi etyi tyapenga unene?
“Omapulo Ombimbiliya Akumbululwa” (Omutala Womulavi 1 ya Maio yo 2013)
Omukulu ou etyi anoñgonoka okuti Sesusi wankhila ononkhali mbae, ovipuka ovivi ankho alinga eviyekepo.
a Ondaka onkhali kaipopi vala okulinga otyipuka tyapenga. Mahi tupu ipopia etyi tukahi tundee vala tyina tutyitwa. Tuti vala tyitwe tuli-ale kokule na Huku mokonda tuvana va Andau na Eva.
