ELONGESO 33
Oityi Ouhamba wa Huku Maukalinga?
Ohamba Sesusi uli-ale nokutumina keulu, mahi apa katutu makaviukisa ovipuka pano pohi. Pahe motale oviwa matukamona tyina Sesusi amatumina pano pohi.
1. Oityi Ouhamba wa Huku maukalinga wetele ovanthu aveho ombembwa?
Sesusi, Ohamba Huku akoya, makapolako ovatumini aveho, novanthu aveho valinga ovivi. Mahi meketyilinga ñgeni? Makukakala ovilwa vimwe vitiwa o Alumagedom. (Eholololo 16:14, 16) Tyina ovilwa ovio viamapu, matukamona umwe etyi Ombimbiliya yapopia etyi yati: “Ondingavivi kamaikakalako vali. Mokatala apa ankho ikala, mahi kukeivasapo vali.” (Salmo 37:10) Tyina Sesusi amatumina ohi, ovanthu aveho mavakala umwe nawa, petupu omunthu makalingwa onya. — Tanga Isaías 11:4.
2. Ouye maukakala ñgeni tyina Sesusi amalingi etyi Huku ahandela ovanthu?
Ombimbiliya yapopia okuti tyina Sesusi amatumina pano pohi, “vokulinga oviwa mavakakala kombanda yeheke, avakakalako apeho-apeho.” (Salmo 37:29) Mouye omo, aveho mavakakala ovanthu ovawa, ovanthu vehole Siovaa, ovanthu vombembwa. Petupu vali omunthu makavela. Atuho matukakalako apeho tyahakankhia-nkhia vali.
3. Tyina Sesusi amapoloko ovivi aviho, oityi vali makalinga?
Tyina Sesusi amapoloko ovivi aviho, makatumina vali omanima 1.000. Omanima oo aeho makatumina, oityi makalinga? Tyati umwe na Sesusi, novo 144.000 makatumina navo, mavakapola onkhali movanthu. Tyina omanima oo amapu, ohi maikehiwa nawa. Ovanthu aveho mavakahambukwa, aveho maveketavela etyi Siovaa apopia. Pahe Sesusi ayekepo okutumina apingwa na Tate yae Siovaa. Opo pahe ‘enyina lya Huku alisukukiswa.’ (Mateusi 6:9, 10) Ñgeni ngotyo? Ovanthu vatyo aveho, maveketyimona umwe nawa okuti Siovaa, Omutumini umwe ukahi nawa, uhole ovanthu. Satanasi, novilulu, novanthu vehetavela Huku, mavakahanyuako. (Eholololo 20:7-10) Sesusi na ava makatumina navo, mavakaundapa unene vaviukise ovipuka aviho pano pohi. Iya ovilinga mavakalinga mavikakuatesako umwe ovanthu atee-tee.
KUHANDE OKUNOÑGONOKA VALI?
Monoñgonoka okuti ovipuka aviho Siovaa apanga okuketulingila, watuma Sesusi eketulingile-vyo. Tupu motale oityi tuyumbila-ko onthumbi yokuti tyili Sesusi mekevilinga umwe ngo omu Huku evihandela.
4. Ouhamba wa Huku maukapolako ovatumini
Ombimbiliya yati: “Omunthu utumina omunthu mukuavo emumonese ononkhumbi.” (Eclesiastes 8:9) Siovaa watuma Sesusi amaneko ononkhumbi ambuho mbaetwa-ko novatumini.
Tangei Daniel 2:44 na 2 Ova Tesalonika 1:6-8, amutomphola omapulo aa:
-
Oityi ovo Siovaa na Sesusi mavakalinga ovatumini na vana vayemba kuvo?
-
Ove pahe ñgaa wanoñgonoka umwe kapii ovo Siovaa na Sesusi. Pahe okutalela ku etyi wanoñgonoka, ku ove etyi vasoka okukahanyako ovatumini aveho tyaviuka? Oityi wakumbululila ngotyo?
5. Huku walinga wakoya Sesusi atumine
Ohamba Sesusi makalingila ovanthu ovipuka ovinyingi. Talei OVIDIU. Ovidiu oyo maipopi okuti Sesusi ketyivili vala okumanako ovitateka viovanthu, mahi tupu utyihanda tyokutulingilako oviwa.
Ovipuka vihuvisa Sesusi alingile etyi ali pano pohi, ankho opala alekese kovanthu etyi ha makalinga tyina amalingi ohamba. Povipuka evi viapopiwa pombwelo apa, ovipi wahumbapo vali? Tyina mutanga oviwa matukamona, tupu otyo mutanga onotesitu mbatyo.
|
ETYI SESUSI ALI PANO POHI . . . |
APA KATUTU . . . |
|---|---|
|
|
|
|
|
|
|
|
6. Ouhamba wa Huku maukalingila ovanthu ovipuka oviwa
Ohamba Sesusi makalingila ovanthu oviwa, avakakala umwe nawa, avakala umwe ngetyi Siovaa evehandelele potete. Aveho mavakakalako apeho, mouye umwe wehiwa vala nawa. Talei OVIDIU mutale ovipuka Siovaa atuma Omona wae Sesusi alingileko ovanthu.
Tangei Salmo 145:16, amutomphola epulo eli:
-
Tyikukalesa-vo ñgeni tyina usoka okuti Siovaa makahambukiswa “ovipuka aviho viokuna omwenyo”?
OVANTHU VAMWE VATI: “Ine atuho tulikuatesila atuundapa, ouye matuuviukisa aukala umwe nawa.”
-
Ovipuka patyi mavikaviukiswa umwe vala na Huku, Nomona wae Sesusi, ovatumini vehevili okuviviukisa?
ETYI WELILONGESA
Welilongesa okuti Ohamba Sesusi makalinga atyiho Huku emutuma. Wamona okuti ohi maikehiwa nawa. Mamukakala vala ovanthu vekahi nawa, vetavela etyi Siovaa apopia. Ononkhia kamambukakalako vali.
Okupitulula
-
Oityi Sesusi na ava makatumina navo mavakalinga opo enyina lya Huku lisukuke?
-
Oityi tutila umwe Ohamba Sesusi makalinga atyiho Huku apanga tyapopiwa mo Mbimbiliya?
-
Movipuka oviwa matukamona komutwe wandyila, ovipi wahumba-po vali, uhanda okukamona tyina vilingwa?
KUHANDE OKUOVOLA VALI?
Oityi tyitiwa o Alumagedom?
Oityi Sesusi makalinga tyina amakatumina omanima 1.000? Oityi vali matyikalingwa tyina omanima oo amapu? Tanga onthele ei utyinoñgonoke.
“Oityi Matyikamoneka Monthiki Yekoyeso?” (Omutala Womulavi 1 ya Setembro yo 2012)
Tala etyi ovohe yovana novana vatyo vena okulinga, vetyivile okusoka nawa koviwa Siovaa na Sesusi maveketulingila.
Omukulu ou ankho uhole “Okulipula Ovipuka Ovinyingi.” Tanga onthele ei utale etyi amona tyemupa umwe okuyekapo ovivi.
“Ombimbiliya Ipilulula Omuenyo Wovanthu” (onthele Yomutala Womulavi)
