ELONGESO 37
Oityi Ombimbiliya Ipopia Tyiyemba Kokuundapa no Konombongo?
Ovanthu vamwe valinga unene otyiho mokonda yovilinga nonombongo mbahamoneka. Okuti no ove nthiki ovipuka ovio viekulingisile-ale otyiho? Pamwe tyipondola okutupuiya okuti oku tuapolako oku tuapolako, mokonda tuati umwe, oku tuna okulinga tyimwe tulitekule, oku tuna okulingila Siovaa. Mahi Ombimbiliya ipopia ovipuka vimwe vipondola okutukuatesako.
1. Oityi Ombimbiliya ipopia tyayemba kovilinga?
Siovaa uhanda tuhambukilwe ovilinga vietu. Ombimbiliya yati: ‘Kutupu natyike otyiwa vali komunthu, tyipona okuhambukilwa oviwa vituka kovilinga alinga.’ (Eclesiastes 2:24) Siovaa uundapa unene. Pahe onthwe tyina tumuhetekela, atuahalingi ovanthu vokuananga, tukala nawa.
Okuundapa otyiwa! Mahi katupondola okuliipaa vala novilinga, Siovaa atumupakela ponthele. Ovilinga viesukisa vali, ovievi tulingila Siovaa. (Suau 6:27) Siovaa wapopia okuti ine tupaka ovilinga viae komutwe, metuavela ovipuka aviho tuesukisa, okulia, nomuvalo, novipuka ovikwavo vali.
2. Oityi Ombimbiliya ipopia tyayemba konombongo?
Ombimbiliya ipopia okuti onombongo mbesukisa mokonda mbutukuatesako. Mahi tupu ipopia umwe nawa okuti onombongo, hambo-ko mambutukalesa nawa. (Eclesiastes 7:12) Ombimbiliya ipopia okuti opo tuahalinge ovanthu vokuhole onombongo, tuna ‘okuhambukilwa ovipuka tuna-vio pehepano.’ (Tanga Ova Hebeleu 13:5.) Otyo otyili umwe, ine hatyo? Omunthu wokuhambukilwa etyi ena-tyo, kelipake unene monongele, tupu katokota omutwe nokuhanda vala ovipuka ovinyingi. (Provérbios 22:7) Ine tuhambukilwa etyi tuna-tyo, kamatuyumbu omawela okulifeta onombongo; kamatuti vala oku tuameivila onombongo ngako tukahateka nako.
3. Ovipuka patyi upondola okulinga nonombongo mbove?
Siovaa Huku una otyali. Uhanda no onthwe tulinge ngae, atukala-vo ‘notyali, tyafuapo pala okuava.’ (1 Timotiu 6:18) Ovipuka vimwe tupondola okulinga nonombongo mbetu, okukuatesako ewaneno lietu, nokukuatesako vakuetu tyina vena-vo etyi tyevekamba, haunene umwe ava tufenda navo. Siovaa kesukile-ale unene netyi tuaava, ine tuaava otyiñgapi. Wesuka vali unene netyi tyili momutima wetu. Tyina tuna omutima omuwa, atukala ovanthu votyali, Siovaa uhambukwa, no onthwe muene tuhambukwa. — Tanga Ovilinga 20:35.
KUHANDE OKUNOÑGONOKA VALI?
Monoñgonoka oityi tuesukisila okutala ovilinga ngetyi Huku evitala. Tupu motale okuti otyiwa okuhambukilwa etyi tuna-tyo.
4. Undapa umwe nawa atyimoneka okuti umunthu wa Huku
Na tyina umwe tuundapa, tyina okumoneka okuti tuvanthu va Huku. Talei OVIDIU, amutomphola omapulo aa:
-
Ovipuka patyi oviwa Sona alinga kovilinga viae? Ovipi wahumba-po vali?
-
Oityi alinga opo ovilinga viae viehemutyike kokuundapela Siovaa?
Tangei Ova Kolosu 3:23, 24, amutomphola epulo eli:
-
Oityi tuesukisila umwe okulinga nawa ovilinga vietu?
Okuundapa otyiwa! Mahi katupondola okuliipaa vala novilinga, Siovaa atumupakela ponthele. Ovilinga viesukisa vali, ovievi tulingila Siovaa
5. Okuhambukilwa evi tuna-vio, tukala nawa
Ovanthu ovanyingi vakalela umwe vala okututumba nokuovola onombongo. Mahi Siovaa wapopia mo Mbimbiliya okuti hatyo-ko ahanda tulinge ngotyo. Tangei 1 Timotiu 6:6-8, amutomphola epulo eli:
-
Ngetyi tyapopia otesitu, oityi Siovaa ahanda tulinge?
Naapa umwe tuahepa unene, tupondola okukala nehambu. Talei OVIDIU, amutomphola epulo eli:
-
Ovanthu ava tuamona movidiu, vahepa unene, mahi no ngotyo vena ehambu. Oityi tyevehambukiswa?
Ine tuna-le onombongo, mahi no ngotyo otyo tuahanda vali, etyi Sesusi apopia tyili mu Luka 12:15-21, tyipondola okutukuatesako. Tangei otesitu oyo, amutomphola epulo eli:
-
Oityi welilongesila ku etyi tyapopia Sesusi? — Tala povelesikulu 15.
Tangei Provérbios 10:22 na 1 Timotiu 6:10. Elekei ono tesitu ombo etyi mbupopia, amutomphola omapulo aa:
-
Ku ove, oityi omunthu ena vali okusuka natyo? Una okusuka vali noupanga wae na Siovaa, ine una okusuka vali nonombongo? Oityi wapopila ngotyo?
-
Oityi tyituka kokukalela vala okuovola onombongo?
6. Siovaa metutekula
Tyina tyamati umwe, onombongo tutupu, ovilinga kavimoneka, tupondola okusoya. Mahi opo umwe tutala ine tyili tuyumba umwe onthumbi mu Siovaa. Talei OVIDIU mutale etyi tupondola okulinga tyina ovilinga viahamoneka. Pahe amutomphola omapulo aa:
-
Oityi ankho tyatokotesa omutwe omukulu ou tuamona movidiu?
-
Oityi alingile ahaumphame vala pohi?
Tangei Mateusi 6:25-34, amutomphola epulo eli:
-
Oityi Siovaa alingila vana vapaka ovilinga viae komutwe?
OVANTHU VAMWE VATI: “Ame himetyivili okuenda komaliongiyo onosimanu ambuho! Ndyina okuundapa hamwe ndyimona-vo okakulia.”
-
Otesitu patyi ipopia umwe okuti ine upaka ovilinga vya Siovaa komutwe, momono vala oviwa?
ETYI WELILONGESA
Welilongesa okuti tuesukisa onombongo, tupu tuna umwe okuundapa. Mahi tupu wamona okuti katupondola atuliipaa vala nokuundapa, ovilinga vya Huku atuvipakela ponthele.
Okupitulula
-
Oityi una okuhinangela apeho, utie umwe otyo uundapa, otyo tupu ulinga nawa ovilinga vya Siovaa?
-
Omunthu wokuhambukilwa etyi ena-tyo, ukala ñgeni?
-
Oityi matulingi ine tyili-tyili tuayumba-ko umwe onthumbi yokuti Siovaa metutekula?
KUHANDE OKUOVOLA VALI?
Ovanthu vamwe vasoka okuti Ombimbiliya ipopia okuti ovivi viatuka konombongo. Okuti otyo otyili?
Tala ovipuka vimwe vikahi nawa tupondola okulinga nonombongo mbetu.
“Oityi Ombimbiliya Ipopia Tyayemba Kokukala Notyali?” (Mo jw.org)
Ovanthu vamwe vayumba omawela amwe, ngamo vamonena. Mahi okuti tyaviuka?
“Okuti Okuyumba Umonene-mo Onombongo Tyapenga? (Pahukei!, Março yo 2015)
Omukulu ou, ankho ulia mu vakuavo. Tupu ankho ukalela vala okuyumba omawela amone ombongo. Mahi pahe ukahi nawa, wetyiyekapo. Tanga onthele ei utyitale vali nawa.
“Ankho Ndyityihole Tyokutala Tyina Ononkhambe Mbuhateka” (onthele Yomutala Womulavi)
