ELONGESO 38
Ku Huku Omwenyo Ukola
Kouye okokuwa, naapa umwe omwenyo walema, ine hatyo? Tyina tuna omwenyo, tutyivila okulinga ovipuka ovinyingi vitukalesa nawa. Mahi pahe, oityi matulingi tupandule Siovaa wetuavela omwenyo?
1. Oityi tuesukisila okukwata nawa omwenyo, atuahanyane nao?
Omwenyo tuna-o, tuna okuukuata nawa mokonda tueupewa na Tate yetu Siovaa. Siovaa oe watunga ovipuka aviho, oe “omuhekulu womwenyo.” (Salmo 36:9) “Oe waavela ovanthu aveho omwenyo, nomufimo, novipuka aviho.” (Ovilinga 17:25, 28) Siovaa utuavela omaande, utuavela okulia, novipuka ovikwavo. Ketuavela vala ovipuka ovio tuahankhie, mahi tupu uhanda tukale nawa, atutyimono umwe okuti omwenyo upepa. — Tanga Ovilinga 14:17.
2. Oityi matulingi tupandule Siovaa wetuavela omwenyo?
Kohale kwali omunthu umwe ankho uhole Siovaa utiwa o Daviti. Nthiki imwe wapopilile Siovaa ati: “Omaiho ove amona etyi ankho ndyikahi meimo.” Naina tuli vala tupu meimo, Siovaa utwii-ale. (Salmo 139:16) Ku Siovaa, omwenyo wove ukola. (Tanga Mateusi 10:29-31.) Siovaa unumana unene tyina omunthu aiipaela mukuavo tyawina. Tupu tyimuihama umwe unene komutima tyina omunthu elipola omwenyo. a (Êxodo 20:13) Nkhele tyimuihama unene tyina etumona okuti tuli nokulinga ovipuka vipaka omwenyo wetu, no wa vakuetu, poluhandya. Mahi uhambukwa unene tyina etumona okuti tuli nokuyunga nawa omwenyo wetu no wa vakuetu. Uhambukwa umwe mokonda nae utyimona okuti no ku onthwe omwenyo ukola.
KUHANDE OKUNOÑGONOKA VALI?
Monoñgonoka ovipuka vimwe tupondola okulinga tuahanyane nomwenyo.
3. Liyunga wahavele
Onthwe tyina tuamelipakula ku Huku, ngotyo tuemuavela umwe atyiho tuna-tyo, omwenyo wetu, nolutu lwetu. Tangei Ova Loma 12:1, 2, amutomphola omapulo aa:
-
Ngetyi tyapopia otesitu ei tuatanga, oityi ove una okuliyungila komauvela?
-
Ovipuka patyi upondola okulinga (a) wahavele? (b) tyina wavela?
4. Wahapake omwenyo wove no wa vakwenyi poluhandya
Ombimbiliya ipopia okuti tuna okulunguka tuahalinge otyipuka natyike tyipondola okutulingisisa atulivete, hamwe atunkhilapo umwe. Tupu tuna okulunguka tuahalingisise vakuetu avelivete, hamwe avakaila-po umwe omwenyo. Talei OVIDIU mutale ovipuka vimwe upondola okulinga wahapake omwenyo wove poluhandya.
Tangei Provérbios 22:3, amutomphola ovipuka vimwe mupondola okulinga muehelivete tyina . . .
-
muli meumbo.
-
muli kovilinga.
-
muli nokulinana-nana monongolo.
-
muli nokutaha etuku-tuku hamwe omota.
5. Eimo kalipolwa-po, tyikola!
Daviti wapopile okuti ku Siovaa, olukembe luli meimo, omwenyo watyo ukola. Uhanda lukule nawa atee lutyitwa. Tangei Salmo 139:13-17, amutomphola epulo eli:
-
Okuti ku Siovaa, omunthu, omunthu vala tyina pahe amakutulwa?
Siovaa wapopilile ova Isilayeli okuti omukai tyina omulemi ankho vena okutala nawa evi valingila ponthele yae. Tangei Êxodo 21:22, 23, amutomphola omapulo aa:
-
Oñgeni Siovaa ankho akala tyina omunthu umwe amaponyokela momulemi, eimo alitundupo?
-
Tyina usoka, Siovaa ukala ñgeni tyina omunthu apolela-po tyawina eimo? b
-
Okuti etyi Siovaa ati okupolapo eimo katyilingwa, ku ove tyaviuka? Oityi wapopila ngotyo?
Novahikuena umwe vetyii okuti omwenyo ukola, pamwe vapondola okutyisoka tyokupolapo eimo. Tangei Isaías 41:10, amutomphola omapulo aa:
-
Ine omuhikuena umwe omulemi upopilwa apolepo eimo, okulie ena okutyipopia? Oityi omunthu etyipopila malingi?
OVANTHU VAMWE VATI: “Eimo o liomukai, elipole-pole-po, ehelipole-pole-po, muene oe utyii. Olutu o lwae!”
-
Oityi ove utila tyilinge ina, tyilinge olukembe luli meimo, Siovaa kahande vankhie?
ETYI WELILONGESA
Ombimbiliya ipopia okuti omwenyo ukola, mokonda tueupewa na Tate yetu Siovaa. Tuna okuhumba omwenyo wetu no wa vakuetu.
Okupitulula
-
Ku Siovaa, omwenyo wovanthu ukola. Omokonda yatyi?
-
Siovaa ukala ñgeni tyina amona omunthu wiipaa mukuavo, na tyina amona omunthu ulipola omwenyo?
-
Oityi uholelele omwenyo?
KUHANDE OKUOVOLA VALI?
Otyiimbo etyi tyipopia ovipuka vimwe tupondola okulinga tupandule Siovaa etyi etuavela omwenyo.
Okuti Huku upolelapo umwe novahikuena vana vapolelepo omaimo? Onthele ei ikumbulula epulo olio.
“Oityi Ombimbiliya Ipopia Tyayemba Kokupolapo Omaimo?” (Mo jw.org)
Ine no ku onthwe omwenyo ukola ngetyi ku Huku ukola, matutale nawa evi tulipola navio ounye.
“Okuti Molipake Movinyano Vipondola Okukupola Omwenyo?” (Pahukei!, 8 ya Outubro yo 2000)
Okuti Ombimbiliya ipondola okukuatesako ava vahanda okulipola omwenyo?
“Oñgeni Ombimbiliya Ikuatesako Vana Vahanda Vala Ñgeno Vankhia?” (Mo jw.org)
a Siovaa utyimona tyina omunthu umwe amatokota omutima. (Salmo 34:18) Vamwe tyina vamatokota omutima vasoka vala kokunthia. Opo utyitale umwe okuti Siovaa wesuka novanthu ovo, tanga onthele ei yati: “Oñgeni Ombimbiliya Ikuatesako Vana Vahanda Vala Ñgeno Vankhia?” Onthele oyo ili apa pokuati: Kuhande Okuovola Vali?
b Vana vapola-pola-pwale omaimo, kavesukisile vali okulivela onombei, Siovaa meveevela. Mahi otyo tyapopiwa umwe nawa-nawa monthele ei yokuati: “Oityi Ombimbiliya Ipopia Tyayemba Kokupolapo Omaimo?” Onthele oyo ili apa pokuati: Kuhande Okuovola Vali?
