Ombimbiliya ihimbika okupopia ovipuka Huku atunga vina tupondola okumona neevi tuhamono, vitulekesa okuti Siovaa walinga ovipuka oviwa unene, vikahi keulu neevi vikahi pano pohi. Inkha una omona mukwatesako okutala ovipuka oviwa Siovaa alinga. Mulekesa oñgeni Huku alinga ovanthu monkhalelo yelikalela unene novinyama, wetwavela ounongo wokupopia, nokusoka, nokulinga ovipuka, nokwimba, nokulikwambela. Longesa ovana vove okuti ovipuka Siovaa atunga vilekesa okuti omunongo, una ononkhono, uhole evi atunga haunene umwe ovanthu.