Onthele ei maipopi Ovihonekwa Viovakwa-Kilisitu mo Ngeleku. Matunoñgonoka okuti ovo tate ya Sesusi ankho vahepa, vakala mepunda-umbo etutu. Sesusi ankho uundapa na tate yae, omuhongi womavai. Sesusi oe vala ankho upondola okuyovola ovanthu. Siovaa wemuholovona opo akale Ohamba Youhamba wae keulu. Inkha una omona mukwatesako okunoñgonoka okuti Siovaa wakoyele nawa ovanthu vakalele ovo tate ya Sesusi. Mulongesa okuti Siovaa wayungile Sesusi opo Helonde ehemwipae, tupu mulongesa okuti petupu otyipuka natyike tyityika Siovaa okulinga etyi ahanda. Omona manoñgonoka oñgeni Siovaa aholovonene Swau opo aikule ondyila ya Sesusi. Mulongesa okuti Sesusi nkhele tyapoututu uhole Ondaka ya Huku.