Onondaka Mbokuhimbika Onthele 3
Konyima Yombila Onene, ovanthu vapopiwa m’Ombimbiliya vafendele Siovaa kavehi. Umwe puvo o Ambalayau, ankho wiiwe okuti epanga lya Siovaa. Oityi atilwa epanga lya Siovaa? Inkha ove una omona, mukwatesako okunoñgonoka okuti Siovaa wesuka nae, uhanda okumukwatesako. Nga Ambalayau novanthu ovakwavo vayumbile onthumbi mu Huku, ngeetyi o Lote na Sakoo, noonthwe tupondola okwita ku Siovaa opo etukwateseko. Kwatesako omona wove akale nonthumbi yokuti Siovaa mafwisapo atyiho apopia.
MONTHELE EI
ELONGESO 7
Ondywo yo Mbambele
Ovanthu ankho vahanda okutunga epunda-umbo nondywo imwe ihika peulu. Omokonda yatyi Huku evelingisisile vapopie omalaka elikalaila?
ELONGESO 8
Ambalayau na Sala Vetavelele Huku
Omokonda yatyi Ambalayau na Sala vasilile-po ondywo yavo mepunda-umbo lyo Uli opo vakakale momakaka mo Kanaa?
ELONGESO 9
Omona Ankho Ukevelelwa!
Oñgeni Huku afwisilepo etyi apopilile Ambalayau? Olie povana va Ambalayau wapopiwa — o Isake ine o Isimayeli?
ELONGESO 10
Hinangela Omukai wa Lote
Huku wapaka otupia o Sondoma no Ngomola. Omokonda yatyi omapunda-umbo oo ahanyenenwe-po? Omokonda yatyi tuna okuhinangelela omukai wa Lote?
ELONGESO 11
Walolwa Atalwe Onthumbi Yae
Huku wapopila Ambalayau okuti: ‘Pola omona wove, enda komphunda ikahi kotyilongo tyo Moliaa kemulinge otyilikutila.’ Oñgeni otyo tyalolele onthumbi ya Ambalayau?
ELONGESO 12
Sakoo Upewa Epingo
Isake na Lembeka vali nomapaha vatiwa o Isauu na Sakoo. Mokonda Isauu otyiveli, ankho una okupewa epingo. Omokonda yatyi akumanenene ouveli wae nokulia?
ELONGESO 13
Sakoo na Isauu Velievela
Oityi Sakoo alingile opo apewe elao noandyu? Oityi Sakoo alingile opo vakale ombembwa na Isauu?
