Etyi uhanda ovateheleli vanoñgonoke. Imbuka omokonda yatyi elongomona liove lialingilwa, hamwe opala okulongesa, ine okupameka onthumbi yavo ine okuvelunda. Pahe olingi elongomona monkhalelo yelikuata notyo. Kala nonthumbi yokuti ononthele mbakolela molongesa, mambukuatesako okufuisuapo etyi uhandela ovateheleli.

Toneka osapi yelongomona. Mokueenda kuelongomona toneka osapi mokupopia onondaka mbakolela mbosapi ine onondaka mbelikalela mahi mbupopia otyipuka tyike.

Yandyulula nawa ononthele mbakolela vali. Holovona vala ononthele mbakolela mbelikuata nosapi yelongomona, ononthele upondola okulongesa nawa tyihalambesa omuvo. Uhaholovone ononthele ononyingi mbakolela, yandyulula nawa kese onthele. Tyina umanuhula okuhangununa onthele imwe yakolela iya oende monkhuavo, uhalomboke vala mahi talamapo katutu.