ELONGESO 14
Ononthele Mbesukisa Vali Mbwiivale
Ova Hembeleu 8:1
ETYI UNA OKULINGA: Kwatesako ovateheleli vamone oku uli nokuyemba, ononthele mbesukisa ambumoneka oñgeni mbuyaka etyi uli nokupopia nosapi yatyo.
OÑGENI MOTYILINGI:
-
Soka otyityi uhanda. Tala oku kwayemba elongomona liove, okuti liayemba kweetyi ovanthu vehei? Liayemba kokukwatesako ovanthu vetavele? Kokuveavela ondundo? Ine otyimwe pwoovio, ngako uyemba. Pahe otale nawa etyi molingi utyivile okulinga etyi wahanda.
-
Wahalimbwe osapi yelongomona liove. Uti opopi, owane osapi, okuti hatyo owane onondaka mbuyemba kosapi.
-
Ononthele mbesukisa mbupepukisa mbwiivale. Holovona vala ononthele mbesukisa mbayemba kosapi yove, ombu movili okupopia ohalambesa omuvo wove. Mahi wahalinge ononyingi, potoyola umwe nawa ike-ike, otalama talama-po, pahe oende vali konkhwavo.
