Soka koviwa viavo. Kala tyityii okuti vakwenyi vahanda okuhambukiswa Siovaa. Nankho movepakela-mo, nkhele popia oviwa valinga, ovepandula.

Wahapopie unene evi visoyesa. Tyina ulongesa yemba vala koviwa, novanthu vekwiiva atyivekalesa nawa. Visoyesa vipopia vala tyina una etyi uhanda okupotoyola nawa.

Longesa n’Ondaka ya Huku. Popia etyi Siovaa alinga-le, neetyi ekahi nokulinga, neetyi makalingila ovanthu komutwe wandyila. Otyo tyivepa omphamekelo, avakolo omutima.