Kuatesako ovateheleli okuimbuka etyi tyili momitima viavo. Linga omapulo opo ukuateseko ovateheleli okuimbuka etyi tyili momitima viavo.

Velunda okulinga ovipuka oviwa. Lunda ovateheleli okusokolola omokonda yatyi valingila ovipuka oviwa. Vekuatesako okulinga ovipuka ovio mokonda yomahunga omawa, ngetyi ohole vena na Jeova, novanthu, nohole vena notyili tyo Mbimbiliya. Kuatesako ovateheleli okuimbuka ounongo wetyi o Mbimbiliya ipopia. Uhapopie ovipuka vivesoyesa, mahi vepameka iya ovelundu okulinga atyiho vevila.

Vekuatesako okusoka ku Jeova. Toneka okupopia oñgeni etyi Ombimbiliya ilongesa, no nondonga iya novitumino tuvasamo vilekesa ovituwa vya Huku, nohole ena nonthue. Lunda ovateheleli okusoka apeho konkhalelo Jeova elitehelela iya nokukala nehando liokumuhambukiswa.