Ovolola momikanda viyumbwa onthumbi. Popia etyi tyelikuata Nondaka ya Huku iya apeho tyina tyitavela tanga mo Mbimbiliya. Inkha upopia ovipuka watanga momikanda omikuavo ine weiva mo jornale ine ongeleka yomunthu umwe, ovolola nawa opo unoñgonoke inkha oviotyotyili umwe.

Undapesa nawa etyi waovolola. Hangununa ono testu monkhalelo yelikuata nono testu ononkhuavo, nosapi Yombimbiliya iya nomikanda ‘viomupika wekolelo nokualunguka.’ (Mat. 24:45) Undapesa nawa omikanda omikuavo vihapolelwe mo Mbimbiliya mahi viyumbwa onthumbi, ohapilulula etyi omuhoneki watyo ankho ahanda okupopia.

Kuatesako ovateheleli okusoka. Tyina wamatange otestu ine onondaka mbomukanda umwe, linga omapulo ine ava onthengele-popia opo ovanthu vetyivile okutyinoñgonoka aveke.