Pola momikanda viyumbwa onthumbi. Etyi upopia tyipola m’Ondaka ya Huku, tanga umwe m’Ombimbiliya yatyo apeho tyina tyetavela. Ine etyi mopopi o tyovanongo vokwatanga, hamwe tyatunda mono jornale, ine hamwe mopopi omunthu, tyoovola nawa utale ine apa wetyipola payumbwa umwe onthumbi mokonda hamwe otyikulu-ale.

Etyi wavasa otyo umwe upopia. Tyina upotoyola otesitu weheitwale nohika, iyembesa kweetyi mwene ipopia, no kweetyi tyipopia omikanda ‘viomupika omukwatyili, walunguka.’ (Mat. 24:45) Tyina upopia etyi wavasa momikanda omikwavo wehetyipilulule, tyipopila mwene omu omuhoneki watyo etyipopila.

Popila ovateheleli ovipuka vitavela okusoka. Tyina wamatange otesitu, hamwe otange otyipuka tyimwe waovola, linga epulo likahi nawa ovanthu avasoko; ovola tyimwe molekesa ovateheleli, mwene vanoñgonoke aveke etyi wahanda okupopia.