Onthele ei ihimbika okupopia Ovihonekwa vio Gregu. Jesus watyitilua mombunga yahepa ankho ikala mepunda-umbo etutu. Jesus ankho uundapa na tate yae, omuhongi womavai. Jesus oe vala ankho upondola okuyovola ovanthu. Jeova wemuholovona opo akale Ohamba Youhamba wae keulu. Inkha una omona mukuatesako opo anoñgonoke okuti Jeova waholovona nawa ombunga omu muekulila Jesus. Lekesa oñgeni Jeova ayunga Jesus opo Helode ehemuipae, tupu mulekesa okuti petupu otyipuka natyike tyipondola okutyilika ehando lia Jeova. Tupu matulilongesa oñgeni Jeova aholovona João opo aikule ondyila ya Jesus. Popia vali unene oñgeni Jesus ankho alekesa okuti upanda enoñgonoko lia Jeova puetyi nkhele omukuendye.