ELONGESO 80
Jesus Uholovona Ovalongwa 12
Etyi Jesus aivisa enima notyihupe, ankho pahe una okulinga etokolo limwe liakolela. Ovalie maholovona opo vaundape nae? Ovalie malongesa opo vahongolele ewaneno lio Vakristau? Opo alinge amatokolo oo, Jesus ankho uhanda ehongolelo lia Jeova. Aende komphunda oku ankho apondola okukala aike, elikuambela otyinthiki atyiho. Komuhuka, Jesus aihana vamwe povalongwa vae aholovona-po ono apostolu 12. Uhinangela omanyina avo? Omanyina avo oyaa: Petulu na Andre na Tiagu na João na Filipe na Batolomeu na Tome na Mateus na Tiagu omona wa Alfeu na Tandeu na Simau na Juda Iskaliote.
Andre, Petulu, Filipe, Tiagu
Aveho 12 aveende na Jesus. Konyima evelongesa, pahe evetumu vakaivise aveke. Jeova eveavela epondolo opo vataate ovilulu nokuhakula ovanthu.
João, Mateus, Batolomeu, Tome
Jesus ankho wihana ono apostolu mbae 12 okuti omapanga ae, tupu ankho uveyumba onthumbi. Ova Faliseu ankho vatomba ono apostolu mokonda kavalongesilwe mo nosikola ononene. Mahi Jesus ankho wevelongesa oñgeni mavakaivisa. Ono apostolu vakalele na Jesus omuvo umwe wakolela momuenyo wae, puetyi eheneipawe netyi atutiliswa. Nga Jesus, ovalongwa 12 ovanyingi vatuka ko Galileia. Vamwe ankho vanepa.
Tiagu omona wa Alfeu, Juda Iskaliote, Tandeu, Simau
Ono apostolu ankho ovanthu ovakuankhali valinga oviponyo. Pamwe ankho vapopia tyihasokele nokulinga omatokolo ahaviukile. Pamwe ankho kavapuile elundo. Onthiki imwe ankho vekahi nokuyaya olie puvo omunene vali. Mahi ankho ovanthu vekahi nawa, vehole Jeova. Ankho vapondola okukala omphandyi yewaneno, etyi Jesus apita.
“Mahi, ame nemuihana okuti mumapanga ange, mokonda ovipuka aviho neiva ku Tate yange, nemupopila vio.”—João 15:15
Hamwe Noove Uhanda
SESUSI — ONDYILA, OTYILI, OMUENYO
Sesusi Ukoya Ono Apositolu 12
Oñgeni o apositolu yelikalela nomulongwa?
SESUSI — ONDYILA, OTYILI, OMUENYO
Wivisa mo Ngalileya Alongesa Ono Apositolu
Onondaka mbokuati ‘Ouhamba wo keulu ukahi popepi’ oityi mbulekesa?
