Ovakristau vo tete vaivisile onondaka onongwa mbo Uhamba wa Huku alo kovilongo vio kokule. Jesus ankho uvehongolela opi vena okukaivisa iya kehuviso eveavela ounongo wokulongesa ovanthu momalaka avo muene. Jeova weveavela omutima wakola iya eveavela epondolo opo vetyivile okukoleleya movitateka.

Jesus waavelele apostolu João emonekelo lienkhimano lia Jeova. Memonekelo ekuavo, João wamona Ouhamba wo Keulu wafinda Satanasi iya wamanako outumini wae pala apeho. João wamona Jesus utumina ngo Hamba iya no vanthu 144.000 vatumina nae. João tupu wamona ohi yakala omphangu yombembwa, muna ovanthu vafenda Jeova no mbembwa newaneko.