Onondaka Mbokuhimbika Onthele 2
Omokonda yatyi Jeova aetela-ko Ombila Onene yahanya-ko ouye pomuwo opo? Ponthyimbi yovanthu, kuahimbika ovilwa konthele yotyiwa notyivi. Ovanthu vamwe ngetyi o Andau na Eva, nomona wavo Kaim, vaholovona okuhula kotyivi. Ovakuavo vehehi, ngetyi o Abele na Noe vaholovona okuhula kotyiwa. Ovanthu ovanyingi avahimbika okulinga ovivi iya Jeova ahanye-ko ouye una wovivi. Onthele ei maitukuatesako okunoñgonoka okuti Jeova utala opi tuahula iya nalumwe mayeke otyivi tyifinde otyiwa.
MONTHELE EI
ELONGESO 3
Andau na Eva kavetavelele ku Huku
Oityi ankho tyelikalela komuti umwe ankho ukala motyikunino tyo Endene? Omokonda yatyi Eva alila kotyinyango?
ELONGESO 4
Onyengo Yeeta Ovitateka
Huku wetavela otyiawa tya Abele ehetavela otyiawa tya Kaim. Etyi Kaim etyiimbuka anumana unene alingi otyipuka otyivi.
ELONGESO 5
Owato wa Noe
Etyi onoandyu mbeya okunepa ovakai pano pohi, ambukala novana ovanene ovakalavi. Ovivi ankho vieliyandyana. Mahi Noe ankho welikalela—ankho uhole Huku nokumutavela.
ELONGESO 6
Ovanthu Etyinana Vahupa Avakala Mouye Umwe Omupe
Yaloka ovitenya 40 novinthiki 40. Noe no mbunga yae avakala mokati kowato omuvo ulamba penima. Konyima Huku evepopila opo valupuke-mo.
