ELONGESO 01

Oñgeni Ombimbiliya Ipondola Okukukuatesako Momwenyo Wove?

OKUHIKISA

Ovanthu velipula ovipuka ovinyingi viayemba kononkhumbi no kononkhia. Ovakuavo vehole okulipula ovipuka viayemba vala komwenyo. Nkhele vamwe vasoka unene oityi matyikevemonekela komutwe wandyila. Tupu nkhele, tuna vimwe tusuka navio ononthiki mbatyo ambuho, okulia, nomuvalo, netyi matulingi opo meumbo lietu mukale ombembwa. Ovanyingi vamona okuti, Ombimbiliya, oyo vala ipopia umwe nawa-nawa etyi vehole okulipula. Iya oyo vala ivekuatesako vakale nawa. Okuti Ombimbiliya ipondola okukuatesako omunthu umwe wii?

1. Omapulo patyi Ombimbiliya ikumbulula?

Ombimbiliya ikumbulula omapulo ngaa: Omwenyo wovanthu wahimbika ñgeni? Kouye tueya okulingako-tyi? Oityi ovanthu vahalingile umwe natyike, vamonena ononkhumbi? Omunthu nga ankhia wenda napi? Tyina ovanthu atuho tuhanda ombembwa, opo omokonda yatyi kukalela ovilwa? Oityi matyende nohi komutwe wandyila? Katyapengele okulipula omapulo ngoo. Mahi Ombimbiliya itupopila tuovole omakumbululo omapulo oo, ngetyi ovanyingi valinga-linga-le aveevasi.

2. Oñgeni Ombimbiliya ipondola okutukuatesako atuhambukwa ononthiki mbatyo ambuho?

Mo Mbimbiliya muna ovipuka vimwe oviwa! Ipopia etyi omulume, nomukai, novana, vena okulinga opo meumbo mukale ombembwa, netyi tuna okulinga tyina tuna ovitateka. Nkhele itupopila etyi tuna okulinga tuhambukilwe ovilinga vietu, atuahakala ovanthu wokuananga. Omukanda ou maukukuatesako okunoñgonoka ovipuka ovio novikuavo vali. Tyina wamelilongesa umwe nawa Ombimbiliya, hamwe haa mopopi okuti: “Ovihonekwa aviho . . . vina esilivilo.” — 2 Timotiu 3:16.

Omukanda ou kawalingilwe upinge Ombimbiliya. Mahi walingwa ukukuateseko okulilongesa-yo, oinoñgonoka umwe nawa. Tanga ono tesitu ambuho movasi momukanda omu, otale ine etyi tyili mo Mbimbiliya tyelikuata umwe netyi molilongesa momukanda ou.

KUHANDE OKUNOÑGONOKA VALI?

Momono oñgeni Ombimbiliya ikuatesako ovanthu, netyi una okulinga opo tyina utanga Ombimbiliya atyihekuponeswa. Tupu momono oityi wesukisila mukwenyi ekulongese Ombimbiliya.

3. Ombimbiliya maikuhongolela ondyila

Ombimbiliya ikahi ngolatelena. Ipopia etyi matyiya komutwe wandyila. Mahi pahetyino ñgaa itukuatesako-ale okusoka nawa tyina tuna etyi tuhanda okulinga.

Tangei Salmo 119:105, amutomphola konthele yomapulo aa:

Omunthu wokuahoneka onondaka ombo, Ondaka ya Huku weyeeleka natyi?
Ove Ombimbiliya wiitala-vo ñgeni?

4. Ombimbiliya ikumbulula omapulo tuhole okulipula

Omukai umwe omulongesi wakalele omanima omanyingi otyo elipula vala ovipuka ovinyingi. Tala oñgeni Ombimbiliya yetyivila okukumbulula omapulo ae. Talei OVIDIU, amutomphola konthele yomapulo aa:

OVIDIU: Uhayekepo Okukevelela! (1:48)

Ovipuka patyi omukulukai ou walekeswa movidiu ankho elipula?
Oñgeni okulilongesa Ombimbiliya tyemukuatesako?

Ombimbiliya ipopia okuti tyina tuhanda okunoñgonoka otyipuka tyimwe otyiwa okutyovola. Tangei Mateusi 7:7, amutomphola konthele yepulo eli:

Oityi uhole okulipula, usoka okuti Ombimbiliya hamwe ipondola okutyikumbulula?

5. Okutanga Ombimbiliya katyiponeswa-le

Ovanthu ovanyingi tyokutanga Ombimbiliya vetyihole, ngwe tyili ikahi umwe nokuvekuatesako. Talei OVIDIU, amutomphola konthele yomapulo aa:

OVIDIU: Okutanga Ombimbiliya (2:05)

Omokonda yatyi ovakuendye novahikuena tuamona movidiu, ankho vahahandela okutanga omikanda?
Mahi omokonda yatyi pahetyino vetyihole tyokutanga Ombimbiliya?

Etyi Ombimbiliya ipopia tyipondola okutukuatesako atuahasoyeswa novitateka. Tangei Ova Loma 15:4, amutomphola konthele yepulo eli:

Kuhande okunoñgonoka nawa ovipuka Ombimbiliya ipopia okuti mavikaviuka?

6. Vakwenyi vapondola okukukuatesako okunoñgonoka nawa Ombimbiliya

Ovanthu ovanyingi vapopia okuti okutanga Ombimbiliya otyiwa, mahi tyina veli nokulilongesa-yo na vakuavo veinoñgonoka vali nawa. Tangei Ovilinga 8:26-31, amutomphola konthele yepulo eli:

Oityi tuna okulinga opo tunoñgonoke nawa Ombimbiliya? — Tala vali povelesikulu 30 no 31.

Omukanda Ovilinga, upopia omulume umwe ankho wo kotyilongo tyo Etiopia waitile ku mukuavo emukuateseko okunoñgonoka Ondaka ya Huku. No hono kuna ovanthu ovanyingi vapopia okuti okutomphola na vakuavo konthele yo Mbimbiliya tyihole okuvekuatesako.

OVANTHU VAMWE VATI: “Okulilongesa Ombimbiliya okunyana vala nomuvo.”

Iya ove oityi usoka? Iya omokonda yatyi usokela ngotyo?

ETYI WELILONGESA

Welilongesa okuti Ombimbiliya ipondola okukukuatesako movipuka ulinga ononthiki ambuho; ikumbulula omapulo ovanthu vehole okulipula; ikuatesako ovanthu avahasoyo tyina vena ovitateka.