HUKU WEPONDOLO ALIHO, oe Omutungi wouye auho. Omuenyo wetu utei ku Huku, pahetyino no komutue. Huku una epondolo liokuava ondyambi. Tupu una epondolo liokuhitisa. Huku una epondolo liokuava omuenyo, nepondolo liokupola omuenyo. Inkha tutavelua na Huku, omuenyo wetu mauende nawa. Anthi, inkha Huku ketutavela omuenyo wetu mauende omapita. Ngotyo, inkha efendelo lietu liapandua na Huku, tyina esilivilo enene!

Ovanthu vafenda mo nonkhalelo ononyingi. Inkha onongeleya mbukahi ngo nondyila, okuti onongeleya ambuho mbapandua na Huku? Ahau, kembupandele. Yesu, omuuli wa Huku, walekesa okuti kuna vala onondyila onombali. Oe wati: “Nyingililei mombundi yahita.” Mokonda ondyila yonthanda nokuahandyuka ituala kononkhia, iya ovanyingi omo vekahi nokunyingilila. Anthi, ondyila onthutu nokuahita ituala komuenyo, iya kavehi vekahi nokuivasa.”—Mateus 7:13, 14.

Kuna vala onongeleya onombali: imue ituala komuenyo, nonkhuavo ituala kononkhia. Ombrochula ino yalingua opo ikukuatesako okuvasa ondyila ituala komuenyo wahapu.