ONTHELE 5
Pombila Onene, Olie Wetavelele ku Huku? Olie Wehemutavelele?
Pononthiki mba Nowee ovanthu ovanyingi ankho valinga ovivi. Ehimbikilo 6:5
O Andau na Eva vakalele novana, ovanthu avakala ovanyingi kombanda yohi. Etyi pakala, onoandyu mbumwe ambuhulu ku Satanasi.
Ambuya pano pohi ambulityitula ovanthu, opo mbunepe. Ovakai mbanepele avatyiti ovana ovanene, ovakalavi vokuna ononkhono ononene.
Ovanthu pahe avepwila mokulinga ovipuka ovivi. Ombimbiliya yati ‘ovivi vialinga ovinene kombanda yohi, evi omitima viovanthu viayemba vala kokulinga ovivi omuvo auho.’
Nowee wetavelele Huku, atungu otyikasa. Ehimbikilo 6:13, 14, 18, 19, 22
Nowee wali omunthu omuwa. Siovaa wapopilile Nowee okuti, maeta ombila imwe onene maihanye-ko ovanthu onondingavivi.
Tupu Huku wapopilile Nowee atunge otyikasa tyimwe otyinene, ngamo anyingila nomukai wae, novana vae novakai vovana vae, novinyama aviho omu vielikalailila.
Nowee apopila ovanthu okuti makuya Ombila Onene, mahi ngwe avehemutavela. Vamwe avemuyolo; ovakwavo avehemuhande vali.
Etyi Nowee amanuhula okutunga otyikasa, ngamo vanyingila, novinyama.
