Tyaviuka Ine Tyapenga? Ombimbiliya Vala Iyumbwa Onthumbi
Hatyiwa-ko okuyumba-ko onthumbi okuti evi tulinga mavituviukila putyina tuyemba vala kweevi tusoka, neevi vakwetu vasoka okuti ovio viaviuka. Ombimbiliya yetyipopia omokonda yatyi tutila hatyiwa-ko okuyumba onthumbi mweetyi onthwe tusoka. Tupu muna onondunge mbuyumbwa onthumbi mbutweetela ehambu, mbutukalesa nawa.
TUSUKISA UMWE OKULULIKWA NA HUKU
M’Ombimbiliya, Siovaa a wapopia-mo umwe nawa okuti uhanda movipuka aviho ovanthu valinga, ñgeno oe uvelulika, avehelilulika vala aveke. (Selemiya 10:23) Otyo apakela m’Ombimbiliya onondunge mbutululika. Huku utuhole, kahande tulinge ovipuka vitunyona, vitutokotesa vala omutwe. (Epalukununo 5:29; 1 Swau 4:8) Mokonda oe wetutunga, umbwii onondunge patyi mbukahi nawa tuna okulandula, ya utyii umwe oñgeni ena okutulonga-mbo. (Oviimbo 100:3; 104:24) Mahi tupu, Huku kakuluminya ovanthu valandule ovitumino viae.
Ehimbikilo 1:28, 29; 2:8, 15) Tupu evepe ovitumino vena okulandula. Mahi ovitumino ovio wevepopilile-vio vala, mwene pahe ankho ovo vena okutala ine mavevilandula ine kamavevilandula. (Ehimbikilo 2:9, 16, 17) Ovo Andau na Eva avahindiko vali tyavo, avehetavela ovitumino vapewa na Huku. (Ehimbikilo 3:6) Otyo tyaeta-tyi? Okuti ovanthu pahe vekahi nawa mokonda mwene ovo vakoya etyi tyaviuka neetyi tyapenga? Au. Mokweenda kwomanima tyamoneka umwe nawa okuti, omunthu okwahalandula ovitumino vya Huku katyimwetela-le ombembwa itwalako, kakala-le nehambu. — Omupopi 8:9.
Siovaa wapele ovo Andau na Eva atyiho vesukisa vakale nehambu liotyotyili. (M’Ombimbiliya muna onondunge mbukahi nawa mbutukwatesako tulinge ovipuka viaviuka. Mbukwatesako umwe ovanthu vatyo aveho, vovilongo aviho, no monombunga ambuho. (2 Timotiu 3:16, 17; tala okakasa kati: “ Omukanda Wovanthu Aveho.”) Nkhele tala oñgeni Ombimbiliya ikwatesako ovanthu vatyo aveho.
Opo unoñgonoke vali omokonda yatyi tutila Ombimbiliya “ondaka ya Huku” ngeetyi tyipopia 1 Ova Tesalonika 2:13, enda mo jw.org otale ovindiu yati: Olie Hekulu Yombimbiliya?
OMBIMBILIYA ITUPOPILA ETYI HUKU AHANDA
Ombimbiliya ipopia ovipuka Huku alingaila-le ovanthu okuhimbikila umwe konthyimbi. Etyi ipopia tyitukwatesako okumona etyi Siovaa ati otyo tyaviuka neetyi ati tyapenga, neetyi tyitukwatesako neetyi tyitunyona. (Oviimbo 19:7, 11) M’Ombimbiliya muna onondunge mbahapilauluka, mbutukwatesako tulinge ovipuka viaviuka ononthiki ambuho.
Nkhele tala vala onondunge mbutulondola tuvasa momukanda Omihe 13:20, wati: “Okweenda novana-ndunge noove ukala omuna-ndunge, mahi una ulipaka kumwe novahima, matyimweende omapita.” Tyapopia omukanda oo, na hono tyikwatesako unene ovanthu ngo pomuvo tyahonekwa. M’Ombimbiliya mweyula onondunge mbatyo ngoombo onongwa, onondunge mbutukwatesako. — Tala okakasa kati: “ Onondunge Mb’Ombimbiliya Kambupilauluka.”
Mahi pahe upondola okulipula oti: ‘Oityi matyinkhalesa nonthumbi yokuti onondunge mbuli m’Ombimbiliya naame mbupondola okunkhwatesako?’ Onthele ilandula kweei maipopi vamwe vakwataiswako-ale nonondunge mbuli m’Ombimbiliya.
a Siovaa enyina lya Huku. — Oviimbo 83:18.