vasoka okuti ovanthu vamoneswa ononkhumbi mokonda yovipuka ovivi valingile kohale. Opo omunthu ahatyitwe vali lya vali mouye uno wovivi, wesukisa okuhakala nomalusoke omavi ouye uno.

vetavela okuti, ovanthu vamona ononkhumbi mokonda yononkhali mbavo, mahi vana vokutavela vamoneswa ononkhumbi opo ekolelo liavo lilolwe. Ngetyi tyapopia Dr.  Sayyid Syeed, omutumini womuhoko wova Muçulmano ko America do Norte, oviponga vituhinangelesa okuti “apeho tuna okupandula Huku mokonda yovipuka oviwa etuavela iya tyihe otyo vala, oviponga ovio vituhinangelesa okuti tuna okukuatesako vana vahepa.”

vetavela okuti ononkhumbi mbutuka kuetyi omunthu alingile kohale. Ova Sundeu vamwe vetavela okuti makukakala etutilo iya vana vamonesilwe ononkhumbi, mavakayambwa. Mahi ova Sundeu ovakuavo vetavela okuti tyina omunthu amankhi utyitwa vali liavali iya otyo tyiavela omphitilo ovanthu ovanyingi okuevelwa ononkhali mbavo.

vetavela okuti tyina omunthu eli meendo umoneswa ononkhumbi, iya ononkhumbi ombo mbutualako aloo omunthu akala nomalusoke novituwa oviwa. Tyina amakala nenoñgonoko, novituwa oviwa, omunthu upondola okuhamoneswa vali ononkhumbi.

ngetyi tyipopia omukanda umwe wonongeleya, ova confucianista vetavela okuti “ononkhumbi mbutuka koviponyo ovanthu valingile.” Tupu vetavela okuti ononkhumbi mbupondola okutepululwa pokati kovituwa oviwa, mahi omokonda ovikando ovinyingi “ononkhumbi tumona mbutuka kovilulu onthue katutyivili okulityilikambo.” Mahi etyi tuesukisa okulinga okutavela vala.”

ovanthu vamwe vonongeleya ombo, vetavela okuti ovanthu vamona ononkhumbi mokonda yokutambula owanga. Tyina omunthu amatambula owanga, tyipondola okumuetela ouwa ine ovitateka, iya inkha omunthu ulowa, upondola okuliyakulila tyina amaende kovimbanda. Mongeleka tyina omunthu amavele wenda kovimbanda mokonda utavela okuti otyimbanda matyimupolo otyilulu otyo.

vetavela okuti ononkhumbi mbatuka konkhali ya Andau na Eva ngetyi tyapopiwa momukanda wa Gênesis. Mahi, onongeleya ononyingi mbayawisako vali omalusoke ambo muene. Mongeleka, ongeleya yo Katolika ilongesa okuti Huku oe umonesa ovanthu ononkhumbi. Iya Huku upondola okuundapesa ononkhumbi ombo, opo ayambe ongeleya ine opo ayovole ovanthu vamwe.