Okapungulula, kakapu liwa momunthu. Ngetyi ouvela useta pokutunda momunthu, nokapungulula kakatundu liwa momutima womunthu. Oityi una okulinga opo upole okapungulula momutima wove?

“Kalei nohole, mokonda iwaneka nawa kumwe ovanthu.” — OVA KOLOSU 3:14.

Otyo tyitulongesa-tyi? Tyitulongesa okuti, okulingila vakuetu ovipuka oviwa, tyituwaneka. Ine ukala noluembia na vakuenyi, kumakala nokapungulula. Tupu ankho ukala noluembia na vakuenyi, nii kumevetombo.

Soka kovipuka upondola okulingila ovanthu vomuhoko umwe hamwe ove watomba, mavilekesa okuti uvehole. Mahi kusukisa okulinga ovipuka ovinene. Povipuka viapopiwa pombwelo, tala ankho upondola okulinga-po tyike ine hamwe vivali:

• Ine muli mondyuo ike na umwe povanthu vomuhoko oo, muyelulila epito tyina alupuka ine hamwe tyina anyingila, ine wekuvasa metuku-tuku, muhila otyipundi.

• Tomphola navo katutu, namphila vahapopi nawa elaka lienyi.

• Pwa elundo tyina valinga ovipuka vimwe uhei.

• Tyina vekuhipululila ovitateka viavo, vetehelela nawa.