MO 1992, Ononkhalamutwe mbo Nombangi mba Jeova vaavela ovilinga ovakulu vewaneno valongoka motyili opo vevekuateseko okufuisapo ovilinga viavo. * (Tala onondaka pokatoi.) Ovakuatate ovo, “vonongi ononkhuavo” vakuatesako unene Ononkhalamutwe mbo Nombangi mba Jeova. (João 10:16) Onosimano ambuho vakala pomaliongiyo ono komisau omu vaundapa. Momaliongiyo oo vapondola okupopia etyi vasoka. Ononkhalamutwe mbo Nombangi mba Jeova ovo valinga etokolo liahulilila, iya ovakuatesiko avatale inkha etyi tyatokolwa tyikahi nokulingwa. Ovakuatate ovo vafuisapo nawa otyilinga vapewa. Valinga oungendi no Nonkhalamutwe mbo Nombangi mba Jeova okuenda kovionge viavilapo no viovilongo. Tupu vatumwa nombala yonombangi mba Jeova opo vakatalelepo ono mbetele.

Omukuatate umwe una otyilinga tyokukuatesako Ononkhalamutwe mbo Nombangi mba Jeova tunde mo 1992 wati: “Tyina ndyifuisapo nawa otyilinga tyange, tyikuatesako Ononkhalamutwe mbo Nombangi mba Jeova okufuisapo otyilinga tyavo.” Omukuatate omukuavo ukuatesako Ononkhalamutwe mbo Nombangi mba Jeova mokueenda kuomanima 20 wati: “Kuame elao limwe enene okuundapa navo, nokulinga ovipuka tyina nkhele vihenehike kovanthu.”

Ononkhalamutwe mbo Nombangi mba Jeova vakuatesuako unene novakuatate ovo iya vapanda unene ovilinga vilingwa novakuatate ovo vekolelo. Onthue atuho “tupanda ovalume ovo.”—Filipenses 2:29.