Omuteheleli Womalikuambelo Olie?
Omuteheleli Womalikuambelo Olie?
INKHA kuna Omuteheleli womalikuambelo, omunthu oo Omutingi vala. Olie vali walinga owongo wovanthu upondola okutanga omalusoke avo? Olie vali upondola okukumbulula omalikuambelo nokuavela ovanthu etyi vesukisa? Mahi hamwe ulipula, ‘Okuti tyaviuka okutavela okuti kuna Omutungi?’
Ovanthu ovanyingi vasoka okuti opo utavele okuti kuna Omutungi una okuanya ounongo wouye hono. Mahi okupopia okuti okutavela okuti kuna Huku katyilikuate nounongo wouye, hatyiliko. Tala:
◼ Ko Estados Unidos kuapulwa ovanongo 1.646 valongesa monosikola ononene 21, omakwi etatu vapopia okuti “kavetavela okuti kuna Huku.”
Otyo tyilekesa okuti ovanongo ovanyingi vetavela okuti kuna Huku.
Etyi Tyilekesa Okuti Kuna Omutungi
Okuti tuna okutavela vala ngotyo okuti Omuteheleli womalikuambelo oko ekahi? Au. Olusoke luokuti ekolelo okutavela vala otyipuka tyihena ehunga, kaluaviukile. Ombimbiliya ipopia okuti ekolelo “elekeso liotyotyili liovipuka namphila viahamoneka.” (Hebreus 11:1) Ombimbiliya onkhuavo ipopia okuti ekolelo “okukala nonthumbi yokuti ovipuka tuheete oviotyotyili.” (Biblia de Jerusalém) Mongeleka, ove kupondola okumona onondaka mbolaliu, mahi tyina ipopia utavela okuti kuna omunthu ukahi nokupopia. Tupu, namphila tuhapondola okumona Omuteheleli womalikuambelo, kuna ovipuka ovinyingi vilekesa okuti oko ekahi.
Opi tupondola okuvasa omahunga alekesa okuti kuna Huku? Tuesukisa vala okutala Hebreus 3:4) Ove utavela onondaka ombo? Hamwe tyina utala etyi ouye ukahi, nomuenyo, ine onkhalelo ihuvisa owongo womunthu watungua, usoka okuti tyafuile kuna umwe wavilapo vali kovanthu. a
kovipuka vieliseta nonthue. Ombimbiliya ipopia okuti: “Tyotyili, kese ondyuo itungwa nomunthu, mahi ou watunga ovipuka aviho o Huku.” (Mahi ovipuka viatungwa kavitulongesa atyiho konthele ya Huku. Okutalela kovipuka viatungwa okuti kuna Huku tyikahi ngatyina wiivite omuhindo womunthu ukahi nokuya pepito liove. Utyii okuti pena omunthu, mahi olie? Opo umumone, una okuikula epito. Tupu, otyo tuesukisa okulinga opo tuimbuke Una watunga ovipuka.
Epito tuna okuikula opo tunoñgonoke Huku, Ombimbiliya. Tyina wiikula epito olio nokutala omaulo amwe afuiswapo, motavela okuti kuna Huku. b Mahi tupu onkhalelo Huku atekula ovanthu vae ilekesa okuti Omuteheleli womalikuambelo una ovituwa oviwa.
Omuteheleli Womalikuambelo Ukahi Ñgeni?
Ombimbiliya ilekesa okuti Omuteheleli womalikuambelo omunthu ove upondola okunoñgonoka. Tyilityili, omunthu vala Salmo 65:2) Huku utehelela vana velikuambela kwe nekolelo. Iya oe una enyina. Ombimbiliya yati: “Jeova ukahi kokule nonondingavivi, mahi oe utehelela omalikuambelo ovaviuki.”—Provérbios 15:29.
utehelela nokunoñgonoka. Tyitupameka okutanga okuti: “Ove Muteheleli womalikuambelo, ovanthu aveho mavehiki kuove.” (Jeova una omutima. Oe o “Huku yoluembia” nokuihanwa okuti o “Huku wehambu.” (2 Coríntios 13:11; 1 Timóteo 1:11) Tala oñgeni akalele etyi ovivi kohale vieliyawisile unene. Ombimbiliya yati: “Atyimuihama komutima.” (Gênesis 6:5, 6) Okupopia okuti o Huku weetako ononkhumbi opo alole ovanthu, hatyiliko. Ombimbiliya yati: “Okulinga ovivi tyikahi kokule na Huku yotyotyili.” (Jó 34:10) Mahi, upondola okulipula okuti, ‘Inkha Omutungi o Huku wepondolo aliho, omokonda yatyi ayekela ononkhumbi mbutualeko?’
Jeova waavela ovanthu epondolo liokuliholovonena, nokutupopila konthele yetyi atuwa. Katupande epondolo tuna liokuholovona oñgeni matutyindi omuenyo wetu? Mahi, ovanthu ovanyingi kavaundapesa nawa epondolo olio, avaetela vakuavo ononkhumbi navo muene. Pahe, pena epulo ekuavo wesukisa okusoka nawa, liati: Oñgeni Huku apondola okumanako ononkhumbi ahapolo ovanthu epondolo liavo liokuliholovonena? Onthele ilandulako maikumbulula epulo olio.
[Onondaka Poutoi]
a Opo unoñgonoke vali nawa okuti kuna Huku, tanga ombrochula A Origem Da Vida — Cinco Perguntas Que Merecem Resposta nomukanda Existe um Criador Que Se Importa com Você? vialingua no Nombangi mba Jeova.
b Ombrochula Um Livro para Todas as Pessoas nomukanda A Bíblia — Palavra de Deus ou de Homem?, vialingua no Nombangi mba Jeova opo vikukuatesako okunoñgonoka okuti Ombimbiliya Ondaka ya Huku.
[Okakasa pefo 5]
Usoka Okuti Kutupu Huku Mokonda Yovivi Vilingwa Nonongeleya?
Tyotyili, onongeleya ombo mbulingisa ovanthu ovanyingi okuhetavela okuti kuna Omuteheleli womalikuambelo, una okankhenda. Mokonda mbulipaka movilwa, no moukongombanda, nokuyekelela ovanthu valala novana kononkhono, alo umwe ovanthu velikuambela, vapopia okuti: “Hitavela okuti kuna Huku.”
Omokonda yatyi onongeleya apeho mbuhongiliya okulinga ovivi? Omokonda ovanthu ovanyingi onondingavivi vehole okulinga ovipuka ovivi menyina liongeleya. Ombimbiliya yaulile okuti onongeleya mbo Vakristau vomouye mambukatuminwa nononkhono ononkhuavo nokuundapeswa pala okulinga ovivi. Apostolu Paulu wapopilile Ovakristau ovakulu vewaneno okuti: “Pokati kenyi muene, mapakatuka ovalume, iya avapopi ovipuka viahaviukile opo vakokele ovalongwa kuvo.”—Atos 20:29, 30.
Huku wanumana unene nonongeleya mbomatutu. Tyotyili, Ondaka ya Huku Ombimbiliya, ipopia okuti “ohonde . . . yaaveho vaipawa kombanda yoohi” ikahi pomaoko onongeleya mbomatutu. (Revelação 18:24) Mokonda onongeleya mbomatutu kambulongesa ovanthu konthele ya Huku yotyotyili, ondyivindyivi yohole, komaiho a Huku onongeleya ombo mbuna onkhali yohonde.—1 João 4:8.
Omuteheleli womalikuambelo, una okankhenda na vana valingwa onya nonongeleya. Apa katutu, ohole Huku ena novanthu, maimulundu okukoyesa onongeleya ambuho mbomatutu menyina lia Jesus. Jesus wati: “Ovanyingi monthiki oyo, mavakati ‘Tatekulu, Tatekulu, katualongesile menyina liove?’ . . . Ame mandyivepopila okuti: Ame himwii! Tundei ponthele yange, onwe vokulinga ovipuka ovivi.”—Mateus 7:22, 23.