Omapulo Ombimbiliya Akumbululwa
Omokonda Yatyi Jesus Aihanenwa Okuti Omona Wa Huku?
Huku utupu omukai opo alinge nae omona. Oe Omutungi wovipuka aviho vina omuenyo. Ovanthu valingwa nepondolo liokuhetekela ovituwa via Huku. Otyo Andau, omunthu wotete Huku atunga, aihanenwa okuti “omona wa Huku.” Tupu Jesus wihanua okuti “Omona wa Huku” mokonda nae watungua novituwa ngo via Tate yae.—Tanga Lucas 3:38; João 1:14, 49.
Onalupi Jesus atungwa?
Huku watunga Jesus etyi nkhele ehenetunge Andau. Tyotyili, Huku watunga Jesus iya Jesus emukuatesako okulinga ovipuka aviho ovikuavo, alo umwe onoandyu. Otyo Ombimbiliya ipopila Jesus okuti “oe watetekela kovipuka aviho viatungwa” na Huku.—Tanga Colossenses 1:15, 16.
Etyi nkhele ehenekutulilwe mo Mbelei, Jesus ankho oandyu ikala keulu. Etyi omuvo wehikapo, Huku wapola omuenyo wa Jesus keulu eupake meimo lia Maliya, opo akutulwe nolutu ngo luovanthu.—Tanga Lucas 1:30-32; João 6:38; 8:23.
Omokonda yatyi Huku ayekela Jesus eye okukutulilwa pano pohi ngomunthu? Otyilinga patyi tyakolela Jesus alingile? Upondola okuvasa omakumbululo oo Mombimbiliya, iya otyo matyiyawisa enoñgonoko liove nolupandu kuetyi Huku na Jesus vekulingila.
Hamwe Noove Uhanda
OMAPULO OMBIMBILIYA AKUMBULULWA
Okuti Sesusi Ankho Omunthu Vala Ondalawa?
Omokonda yatyi Sesusi wo ko Nasalee ankho omunthu wankhimana unene kovanthu aveho?
OMAPULO OMBIMBILIYA AKUMBULULWA
Onalupi Sesusi Atyitwa?
Nonoñgoka omokonda yatyi ovanthu v alingila o Natale monthiki 25 ya Dezembro.
