Omapulo Ombimbiliya Akumbululwa
OMAPULO OMBIMBILIYA AKUMBULULWA
Huku ukahi ñgeni?
Huku ospilitu, katupondola okumumona. Watunga eulu nohi, novipuka aviho vina omuenyo. Huku katungilwe mokonda utupu onthyimbi. (Salmo 90:2) Huku uhanda ovanthu vemuovole, nokunoñgonoka otyili konthele yae.
Huku una enyina iya tupondola okulinoñgonoka. Tupondola okunoñgonoka ovituwa viae vimwe mokutala ovipuka atunga. (Romanos 1:20) Mahi, opo tunoñgonoke nawa Huku, tuesukisa okulilongesa Ondaka yae, Ombimbiliya. Itukuatesako okunoñgonoka nawa oluembia Lwae.
Oñgeni Huku elitehelela tyina atala ovivi?
Omutungi wetu, Jeova, uyele ovivi. Iya watunga ovanthu otyifuika tyae. (Deuteronômio 25:16) Otyo tuyelele ovivi. Ovivi tuete mouye uno, ha Huku uvietako. Huku watunga ovanthu nepondolo liokuliholovonena. Mahi, ovanthu ovanyingi vaundapesa omapita epondolo olio, iya valinga ovipuka ovivi. Tyina valinga ngotyo, Jeova “tyimuihama komutima.”
Jeova uhole ouviuki, iya kamayekelako apeho ovivi. (Salmo 37:28, 29) Ombimbiliya ilaa okuti apa katutu Huku makamanako ovivi aviho.
Opo unoñgonoke vali konthele yotyo, tala okapitulu 1 komukanda ou, walingua no Nombangi mba Jeova
Tupu ukahi mo www.pr418.com