Pahe twanyingila menima lyo 2023, twahanda enima lino litweende nawa atuho nonombunga mbetu. Oityi tukevelela nehambu kweetyi matyiya?

 Ombimbiliya yapopia okuti ovitateka tunavio apa katutu kamavikala-ko vali, maviya okunyimwa-ko. Ovihonekwa “viahonekwa opo vitulongese. . . na tukale nekevelelo nepameko litunda Movihonekwa.” — Ova Loma 15:4.

•   Opo unoñgonoke vali etyi Ombimbiliya yapopia tanga onthele yati: “Você pode acreditar num futuro melhor.”

 Etyi tukevelela tyipameka omuenyo wetu “ngatyina ohako ikuata owato.” (Ova Hebeleu 6:19) Okukevelela tyitukwatesako okukala nonthumbi. Tyitukwatesako umwe tyina tuna ovitateka atwahawililwa, mahi atukala nehambu. Mongeleka:

•   Tala oñgeni ekevelelo Liombimbiliya liakwatesako omukulu umwe. Tala ovindiu yati: ‘Ankho Hesukile Vali Nomuenyo Wange’.

•   Tala oñgeni ekevelelo Liombimbiliya lipondola okutukwatesako tyina twamasiwa-po. Tala ovindiu yati: Onondaka Mbupameka Ava Vasiwapo.

 Ovanthu ovanyingi vakevelela okukala novipuka oviwa, mahi vetupu eyumbwa nthumbi liokuti mavakala umwe navio. Etyi Ombimbiliya ipopia tyelikalela. Omokonda yatyi? Omokonda atyiho tyili mo Mbimbiliya tyapopiwa na Siovaa Huku. a Ngwe Siovaa wapopia okuti, ‘kakembe.’ (Titu 1:2) O Siovaa vala utyivila okulinga atyiho apopia; “atyiho ahanda okulinga utyilinga umwe.” — Salmo 135:5, 6.

 tuhanda noove uyumbe onthumbi mweetyi Ombimbiliya ipopia tukevelela komutwe wandyila. Mokala vala nonthumbi yokuti ovipuka tukevelela oviotyotyili umwe ‘mokulilongesa nawa Ombimbiliya. (Ovilinga 17:11) Ine wahanda okulilongesa ombimbiliya manga pana pokwati Hetekela Okulilongesa Ombimbiliya Nonthwe. Himbika umwe menima lino lyo 2023!