WAHATALUKWE LUNGUKA!
2023: Enima Liotyiho — Oityi Ombimbiliya Ipopia?
Menima lyo 2023, mouye auho mwamoneka ovipuka ovinyingi vilekesa umwe nawa etyi Ombimbiliya ipopia okuti, “ononthiki mbahulilila.” (2 Timotiu 3:1) Tala oñgeni ovipuka vikahi nokumoneka hono, vilekesa umwe nawa etyi Ombimbiliya yapopile okuti matyimoneka mononthiki mbetu.
Ombimbiliya novipuka vili nokumoneka mouye auho
“Ovilwa, nomatompho ovilwa.” — Mateusi 24:6.
“Omalwei eli nokuliyawisa unene mouye auho.” a
Tala onthele yati: “Olie Mayovola Ovanthu Vehevovilwa?” no yokwati: “Ovatumini Mouye Auho Vamanena Onombongo Ononyingi-nyingi Momafwalali.”
“Ponohika ononyingi mapakakwata ovinimawe.” — Maluku 13:8.
“Okutuka konthyimbi yenima 2023 atee hono, kwatumbuka-le ovinimawe 13 ovinene unene, ovio aviho mounene vituuka umwe 7, otyipuka tyehenemoneke-ale tundee apa twehimbika okuhoneka ounene wovinimawe.” b
Tala onthele yati: “Ko Turquia no ko Silia Kwaenda Otyinimawe Otyinene.”
“Ovipuka vitilisa owoma.” — Luka 21:11.
‘Pehepano ovipuka pahe vialema; Omu ohi ankho itokotela hamoko vali ikahi nokutokotela, pahe ikahi nokutokota vali unene.’ — Tyapopiwa na António Guterres, omutumini W’Omalongo Aongana (ONU). c
Tala onthele yati: “Kovilongo Vimwe Enima Lino Kuna Nokutokota Unene.”
“Okulia makukahepa.” — Mateusi 24:7.
“2023: Olio enima ekwavo liepwilisa unene kwaava vatekula vo momaumbo avo.” d
Tala onthele yati: “Mouye Mukahi Nokuhepa Okulia, Otyo tyituka Kovilwa Nouye Uti Vala Autende Autokota Unene.”
“Ononthiki mbalema, mbepwiya okukala.” — 2 Timotiu 3:1.
“Mouye auho povanthu etyinana, pena wike una ouvela wokulinyengwa.” e
Tala onthele yati: “Tyakaka Tyovana Okukala Nouvela Wokulinyengwa.”
Oityi tukevelela menima lyo 2024?
Nawike utyii umwe nawa etyi matyimoneka menima lyo 2024. Mahi ovipuka vikahi nokumoneka mouye, vilekesa okuti apa katutu Ouhamba wa Huku, outumini uli keulu, mauya okuhanyako ovatumini aveho vouye, novipuka aviho vitumonesa ononkhumbi nokutukalesa notyiho. — Ndaniyele 2:44; Eholololo 21:4.
Tyina twamatale twalinga otyiho, twitei ku Huku etukwateseko. Ombimbiliya yati:
“Tyina namatili owoma ndyiyumba onthumbi mwoove.” — Oviimbo 56:3.
Oñgeni matulekesa okuti tuyumba onthumbi mu Huku? Tukukonga ulilongese evi Ombimbiliya yapopia okuti ovio mavikamoneka komutwe, ngeetyi okwahakamona vali ononkhumbi. Hetekela okulilongesa Ombimbiliya noonthwe, utale etyi ove no vomeumbo liove muna okulinga mukamone oviwa ovio Ombimbiliya yalaa.
a Onkhuha Yovilongo, “Ouye uli Movilwa: Opi Kutuka Omalwei Okuliipaa Ankhinduka Mouye?” O Emma Beals na Peter Salisbury, 30 ya Kulindi yo 2023.
b Omatompho Ovinimawe, “Enima 2023: Onombalulo Mbovinimawe Vina Nokuliyawisa Unene,” Kapepo yo 2023.
c Omalongo Aongana, “Elongomona liokuhimbika lialingwa nomutumini, petompho vakala nalio liayemba koutokotwe”, 27 ya Kakwenye yo 2023.
d Ovokwavela Okulia Ovanthu Mouye Auho, “Okulia Kwahepa Mouye Auho.” [Programa Alimentar Mundial, “Uma Crise Alimentar Global”]
e Eongano Liekongoko Mouye, “Onthiki Yekongoko 10 ya Kulindi yo 2023.” [Organização Mundial de Saúde “Dia Mundial da Saúde Mental”, 10 de Outubro de 2023.]
Hamwe Noove Uhanda
ESSENTIAL BIBLE TEACHINGS
Ouhamba wa Huku Oityi?
Etyi Sesusi ali pano pohi walongesile vali unene konthele Youhamba wa Huku tyipona ovipuka ovikuavo. Momanima omanyingi ovanthu velikuambela opo Ouhamba wae uye.
OMAPULO OMBIMBILIYA AKUMBULULWA
Okuti Ndyipondola Okuvasa mo Mbimbiliya Onondaka Mbumphameka?
Ombimbiliya yapameka ovanthu ovanyingi ankho vekahi nokulambela movitateka nokwasoya.
ONTHUE VALIE
Ita na Ulongeswe
Lilongesa epulo limwe lyo Mbimbiliya, ine konthele yo Nombangi mba Siovaa.
