Ovanthu ovanyingi movilongo vimwe, veli nokukondya noutokotwe umwe omunene wehenekaleko-ale tundee kohale, ya outokotwe oo ukahi nokweeta ovihuna ovikwavo. Tala ovipuka vimwe vityipopia umwe nawa:

•   ‘Ohanyi ya Junho kovilongo vimwe, oyo ohanyi yatukotele vali unene. Ovanthu vapopia okuti nkhele vala twali, kakunetokote ngeetyi kwatokota mohanyi oyo.’ — National Oceanic and Atmospheric Administration, U.S. Department of Commerce, 13 de julho de 2023..

•   Okuti otyilongo tyo Itália, no Espanha, no França, no Alemanha no Polónia, Ovio ovilongo viatokota vali unene, outokotwe watyo uhika po 48°C [118°F] haunene umwe koulongo wo Sicília no Sardenha. Ava vakala kovilongo vyo Europa vapopia okuti nkhele vala vali kavenemone otyipuka ngootyo.” — European Space Agency, 13 de julho de 2023.

•   ‘Ohi okutokota, otyo tyeeta ombila onene ihanya umwe ovipuka.’ — Stefan Uhlenbrook, diretor da hidrologia, água e criosfera na Organização Meteorológica Mundial, 17 de julho de 2023.

 Okuti otyipuka otyo tyikutilisa owoma? Tala etyi Ombimbiliya ipopia tyayemba kwotyo.

 Eenga. Ombimbiliya ipopia onene ovipuka tukahi nokumona hono, ngeetyi outokotwe ou. Sesusi wapopile okuti: “Makukamoneka ovipuka vitilisa owoma ine, ovipuka ovanthu vehenemone-ale.” (Luka 21:11; Bíblia na Linguagem de Hoje) Mokonda youtokotwe omunene, ovanyingi vena nokusoka okuti ovanthu mavahanye-po ohi.

 Au. Huku watunga ohi opo ovanthu vakalemo apeho; kamayeke ovanthu veihanye-po. (Salmos 115:16; Eclesiastes 1:4) Huku kamayeke ovanthu vahanye ohi, ngwe wapopia okuti ‘mahanye-ko vana vahanya ohi.” — Eholololo 11:18.

 Ombimbiliya ipopia okuti Huku metyilingi umwe tyokuyakulila ohi, mokonda wesuka natyo ya oe tupu utyivila okutyilinga.

•   “[Huku] Utulisa omphepo. Omakufikufi elunga aatulu.” (Salmos 107:29) Huku utyivila umwe okuyunga nawa ovipuka atunga, opo viahanyone ovanthu. Ovipuka hono vimonesa ovanthu ononkhumbi ngeetyi outokotwe ou tukahi nokupopia apa, Huku utyivila okuvimanako, wesuka umwe natyo ya metyilingi umwe.

•   “Ove uyunga nawa ohi, opo ikale novilia ovinyingi nomalumono omanyingi.” (Salmos 65:9) Huku malingi atyiho opo ohi ino ikale omphangu yombembwa.

 Opo unoñgonoke vali etyi tyayemba kovipuka ovio twapopia apa, tanga onthele yati: “Quem salvará a Terra?”