WAHATALUKWE LUNGUKA!
Ovanthu Vakatuuka Onomiliau 6 Vaipawa Nomukihi Wokolona — Oityi Ombimbiliya Ipopia?
Eongano Liekongoko Mouye (Organização Mundial da Saúde), liapopia okuti atee monthiki 23 ya Maio yo 2022 ovanthu vaipawa nomukihi ou Wokolona-vilu vena onomiliau 6.27. Mahi monthiki 5 ya Maio yo 2022 vapopile okuti ovanthu vaipawa nomukihi tyipondola ovanyingi vali. Tupu vapopile okuti menima lyo 2020 no 2021 ovanthu vokuaipawa nomukihi . . . hamwe vehungi ponomiliau 14.9.” Okuti Ombimbiliya ina etyi ipopia tyayemba komikihi?
Ombimbiliya yapopile okuti makukakala omikihi maviipaa ovanthu
Sesusi wapopile okuti “kononthiki mbahulilila” makukatumbuka ‘omikihi.’ — Luka 21:11; 2 Timotiu 3:1.
Otyipuka otyo Sesusi apopile tyili umwe nokumoneka hono. Opo unoñgonoke vali tanga onthele yati: “Oityi enyingilikilo “liononthiki mbonthyulilo” ine “Onthyulilo Yononthiki”?”
Etyi Ombimbiliya ipopia tyitutulisa omutima
“Tate upameka ovanthu . . . utupameka mononkhumbi mbetu ambuho.” — 2 Ova Kolindu 1:3, 4.
Ovanthu ovanyingi vokuasiwapo vapamekwa netyi tyipopia Ombimbiliya. Opo unoñgonoke vali tanga onthele yati: “Como lidar com a dor — O que você pode fazer” no yokuati: “A melhor ajuda para quem perdeu alguém.”
Ombimbiliya ipopia okuti ovipuka ovio mavikalamba
“Ouhamba wove uye. Ehando liove lilingwe pano pohi, ngetyi likahi nokulingwa keulu.” — Mateusi 6:10.
Ombimbiliya ipopia okuti apa katutu tyina “Ouhamba wa Huku” wamakatumina ohi, “petupu omunthu makati: ‘Ame navela.’” (Maluku 1:14, 15; Isaías 33:24) Opo unoñgonoke oityi Ouhamba watyo oo netyi maukalinga, tala ovidiu yati: Ouhamba wa Huku Oityi?.
Tuhanda ñgeno ulilongesa etyi Ombimbiliya ipopia. Ankho otyo ulinga ngotyo, tyilinge ove tyilinge ombunga yove mamunoñgonoka onondunge mbuli mo Mbimbiliya netyi Huku makalinga, amukala nehambu.