Ngeetyi tyapopia vokupopia evi vimoneka mouye vo Católica (Agência Católica de Notícias), motyiso tyimwe tyalingwa monthiki 25 ya Março yo 2022 ko Basílica de São Pedro, Opapa Francisco welipetamenene kotyilolo Maliya “aihininika otyo ilikwambelela vala momutima.” “Waitile ku Maliya” ombembwa. Mo site Vatican News mwapopiwa okuti: ‘Opapa yelikwambela pala okupakula ovanthu Komutima Wasukuka wa Maliya, haunene umwe vomo Rússia no vomo Ucrânia.’

 Oityi ove usoka? Okuti tyaviuka okulikwambela kovilolo nokuvifenda? Tala etyi Ombimbiliya ipopia:

•   “Wehelihongele otyilolo tyelifwa notyipuka tyimwe keulu, nii kombanda yohi, nii momeva mombwelo yohi. Wehelipetamene kuvio, nii wehevifende, mokonda ame Siovaa Huku yove, ame Huku wokuhanda okufendwa vala aike.” — Êxodo 20:4, 5. a

•   “Ovilolo viavo opalata noolu, ovipuka vialingwa nomavoko ovanthu. Vina omulungu mahi kavipopi. Vina omaiho mahi kavipemono. Omakutwi vina-o mahi kaviivi-ko. Omayulu vina-o mahi kaviivi etyi tyanika. Vina omavoko mahi kavikwata. Onomphai vina-mbo mahi kavieende. Pengongolilo liavio kapatundu-ale ondaka naike. Ovanthu vokuvihonga mavakakala ngavio, na vana vayumba onthumbi muvio otyo mavakakala.” — Salmo 115:4-8.

•   “Ame, ame Siovaa. Olio, olio enyina liange. Ame hilitepulila omunkhima wange nomunthu na wike, nii omunkhima wange hiwaavela otyilolo tyahongwa.” — Isaías 42:8, okatoi.

•   “Endei nkholo efendelo liovihuku.” — 1 Ova Kolindu 10:14.

•   “Liyungei kovikahuku.” — 1 Suau 5:21.

 Opo unoñgonoke etyi Ombimbiliya ipopia tyayemba kokufenda ovilolo tala onthele yati: “Etyi Ombimbiliya Ipopia Tyayemba Kovilolo” (O Conceito da Bíblia: Imagens) okuti yatyo tala ovindiu yati Okuti Huku Uhambukwa Tyina Omunthu Afenda Kotyilolo?

 Ine wahanda okunoñgonoka vali etyi Ombimbiliya ipopia tyayemba kwotyo tala ononthele ombu:

•   “O que a Bíblia ensina sobre a virgem Maria?”

•   “Deve-se orar à virgem Maria?”

•   “Milagres e aparições — são sinais de Deus?”

•   “Okuti Kombanda Yohi Makukakala Ombembwa?”

Olutatu lwaawa no Vincenzo Pinto/AFP via Getty Images