“Mokonda vala omukihi wo COVID-19 kauna nokupopiwa vali unene, onthwe katupondola okusoka okuti ngootyo kauko vali.... Tutyii okuti komutwe oku twenda nako makumoneka vali omikihi omikwavo, otyo twesukisila okulifwiika pehepano.” — Tyapopiwa na Dr. Tedros Adhanom Ghebreyesus, diretor-geral da Organização Mundial da Saúde, 22 de maio de 2023.

 Mokonda yomukihi wo COVID-19, ovanthu ovanyingi vekahi nokututumba opo vakale nekongoko monondunge no molutu. Ine kutumbuka vali omikihi omikwavo, okuti ovatumini novanthu vokuhakula velifwika-le opo vetuyakulile? Okuti vetyivila okumanako ovitateka tukahi nokulwa navio hono?

 Ombimbiliya ipopia Outumini umwe mauya okumanako omauvela aeho. Yati: “Huku keulu, makapaka-ko ouhamba,” ine outumini. (Ndaniyele 2:44) Tyina outumini oo wamehimbika okutumina, ‘nawike vali makati: Ame navela.’ (Isaiya 33:24) Ovanthu aveho mavakala nekongoko likahi nawa, avahakakulupa vali. — Sombe 33:25.