WAHATALUKWE LUNGUKA!
Okuti Nthiki Imwe Okapungulula Makapuko Umwe? — Oityi Ombimbiliya Ipopia?
Ovanthu ovanyingi vasoka okuti hamwe okapungulula kamakapuko-ale.
Omutumini wo ONU utiwa António Guterres, wati: “Movilongo ovinyingi ovanthu velilinga unene okapungulula. Okapungulula keli momaongano omanene, keli nokuyapula ovanthu. Nthiki na nthiki ovanthu velilinga vala okapungulula. Oko umwe keli nokutumina ovanthu pahe kavelivili na vakwavo.”
Okuti nthiki imwe okapungulula makapuko umwe? Oityi Ombimbiliya ipopia?
Ku Huku ovanthu aveho otyipuka tyike vala
Ombimbiliya itupopila oñgeni Huku atala ovanthu vovivala vielikalaila.
“Nomulume wike vala, Huku walinga omalongo aeho ovanthu, opo vakale kombanda yohi aiho.” — Ovilinga 17:26.
“Huku utupu okapungulula, mahi momalongo aeho omunthu una onthilo nae nokulinga etyi tyaviuka umutavela.” — Ovilinga 10:34, 35.
Ombimbiliya ipopia okuti ovanthu vatyo aveho veli kombanda yeheke ombunga, utupu otyivala tyovanthu eyele.
Onalupi okapungulula makupu-ko?
Mouhamba wa Huku ovanthu atuho matukakala vala otyipuka tyike. Mouhamba watyo omo atuho matukalongeswa okulinga nawa vakwetu. Ovanthu aveho mavakalongeswa etyi vena okulinga opo vahakale vali nokapungulula.
“Ovanthu aveho kombanda yoohi, mavekelilongesa ouviuki.” — Isaías 26:9.
“Kouviuki wotyotyili kutuka ombembwa, Iya otyinyango tyouviuki wotyotyili omapole nepamo.” — Isaías 32:17.
Ombimbiliya ili nokulongesa ovanthu ovanyingi okukala nonthilo na vakwavo.
Opo utyinoñgonoke vali nawa, tanga o Pahukei! Ina osapi yati: “Okuti Tyitavela Okulityilika Okapungulula?”
Tanga onthele yati: “Como falar com os filhos sobre o racismo?” onthele oyo ikwatesako ovohe okulongesa ovana vavo kweevi viayemba kokapungulula.