WAHATALUKWE LUNGUKA!
Ovanongo Vati Kololoso Yokutala Onthyulilo Kwasesuka — Oityi Ombimbiliya Ipopia?
Monthiki 24 ya Janeiro yo 2023, muvali kounthiki, ovanongo vakatalele pololoso a imwe yokutala onthyulilo youye itiwa “O Relógio do Fim do Mundo” avamono okuti ouye uli nokwenda no konthyulilo katutu maupu.
“Muvali kounthiki Ololoso yatyo oyo yalekesa okuti pahe ovanthu veli umwe motyiponga. Ovilwa evi, vili nokumoneka ko Ukrania nomauta eli nokututaneswa mouye novipuka ovikwavo vili nokumoneka mouye vikahi nokuhanya omphepo youye.” — AFP International Text Wire.
“Muvali, ovanongo vakatalele pololoso yokutala onthyulilo youye avavasi komuvo kwasesuka. Otyo tyilekesa okuti pahe o Alumangendom ili vali unene popepi tyipona kohale.” — ABC News.
“Ovanongo ovanyingi vomouye auho vapopia okuti vapopia okuti ovanthu kavenekale potyiponga ngetyi hono vekahi.” —The Guardian.
Okuti kombanda yeheke kamakukakala vali ovanthu? Tuna umwe okutila owoma etyi matyiya komutwe? Oityi Ombimbiliya ipopia?
Oityi tukevelela komutwe wandyila
Ombimbiliya yapopia okuti, “ohi maikalako apeho” ovaviuki “mavakakalako apeho-apeho.” (Eclesiastes 1:4; Salmos 37:29) Mwaina ovanthu kamavetyivili okuhanyako ohi aihakala notyipuka natyike, mokonda ohi kaipondola okukala vala ngootyo tyehena etyi tyilimo.
Mahi Ombimbiliya kaipopi onalupi onthyulilo maiya. Ipopia okuti “ouye ukahi nokulamba.” — 1 Suau 2:17.
Ine wahanda okunoñgonoka etyi Ombimbiliya ipopia tyayemba konthyulilo youye, tanga onthele yati: “Será que o mundo vai acabar em breve? O que é o Apocalipse?”
Lilongesa ovipuka ovikwavo viapopiwa mo Mbimbiliya okuti mavikamoneka konthyulilo youye, monthele yokwati: “Quando vai ser o fim do mundo?”
Wahatile owoma putyina ovipuka vipiluluka
Ombimbiliya itukwatesako okuhatili unene owoma ovitateka viouye uno. Itukwatesako ñgeni?
Ombimbiliya itwavela onondongwa mbukahi nawa. (2 Timotiu 3:16, 17) Upondola okutanga onthele yati,“Como controlar as suas preocupações” utale oñgeni Ombimbiliya ipondola okukwatesako okuhatili owoma tyina ovipuka mouye vipiluluka.
Ombimbiliya itukwatesako okukala nonthumbi yokuti ovipuka komutwe wandyila mavikala nawa. (Ova Loma 15:4) Ipopia ovipuka vili nokumoneka hono neevi mavikamoneka komutwe wandyila, otyo tyitukwatesako okuhatili owoma ovitateka vili nokumoneka mouye hono.
Opo unoñgonoke nawa etyi Ombimbiliya ipopia, upondola okulilongesa noonthwe Ombimbiliya. Otyali vala kufete natyike. Wahasete vali.
a “Ololoso yokulekesa okuti onthyulilo ili popepi, otyipuka tyimwe tyalingwa pala tyilekese okuti onthwe tuli nokuhanya ouye novipuka onthwe mwene twatunga.” — Bulletin of the Atomic Scientists.