Olelatoliu imwe yapopia okuti, a povanthu vekwana wike puvo una ouvela wounye.

•   “Tyokwahahande povanthu tyitupu ngandi, tyiya umwe vala kovanthu aveho.” — Chido Mpemba, copresidente da Comissão de Conexão Social da Organização Mundial da Saúde.

 Tyelikalela neetyi ovanthu vasoka, ounye hanombela mbovakulu oo hamwe ombaava vala vokwahahande povanthu, mahi, onombela ombo mbuli umwe no movakwendye, no movanthu vana vena ekongoko likahi nawa, nava vokuna-tyo, no vokwelinepa. Okwahahande povanthu no tyounye, tyili umwe nokupa onombela ovanthu mekongoko no monondunge.

•   Omukulu umwe wokutanda ukala ko Estados Unidos wapopia okuti: “Ounye hakulitehelela vala omapita, otyipuka ouvela oo wiipaa tyikahi ngomunthu upwena onosikalu 15 monthiki ike vala.”

 Omutungi wetu kahande onthwe tukale vala atwike. Mwene Huku pokwatunga ovanthu, ankho uhanda vakale nawa, atyivehambukiswa tyokukala kumwe na vakwavo.

•   Onondunge mb’Ombimbiliya: “Huku ati: ‘Hatyiwa-ko omulume okukala aike.’”— Ehimbikilo 2:18.

 Huku uhanda tukale omapanga ae. Ngwe wapopia okuti ine tulinga ononkhono mbokufwena kwe, opo nae mafwene kwoonthwe. — Tiaku 4:8.

•   Onondunge mb’Ombimbiliya: “Vahambukwa ovava vetyii okuti vetei ku Huku, ovo, Ouhamba wo keulu maulingi wavo.” — Mateusi 5:3.

 Huku uhanda tumufende kumwe na vakwetu. Tyina tulinga ngootyo, matyituhambukiswa.

•   Onondunge mb’Ombimbiliya: “Tusukei na vakwetu opo tyituhohiye molwembia no movilinga oviwa, atwahayeke-po okuliongiya . . . mahi tulipamekei na vakwetu.” — Ova Hembeleu 10:24, 25.

 Opo unoñgonoke vali omokonda yatyi wesukisila okulinga ononkhono mbokwahakala nounye, tanga onthele yati: “Solidão num Mundo Interligado.”