•   “Ovakulu aveho vakala ko Estados Unidos okuvetepula pokati, otyihupe tyimwe vati vakalele-ale nonombela ombo mbokuliwa nounye, ovakwendye novahikwena ovo pahe tyavilapo umwe.” — Tyapopiwa novo Conselho do Cirurgião Geral dos Estado Unidos 2023.

•   “[V’Eongano Liekongoko Mouye] vapopia vati, vapaka-ko ovanthu Votyilinga Tyokuhonyeka Ovanthu (Comissão de Conexão Social), mavalongesa ovanthu okukala na vakwavo opo vahaliwe nounye. Ovanthu ovo vena okuvehohiya ovanthu vakale na vakwavo, otyo otyilinga vena okusuka umwe natyo movilongo aviho, na vina umwe viokwahepa.” — Eongano Liekongoko Mouye, 15 de Novembro de 2023.

 Ombimbiliya ipopia ovipuka vipondola okukwatesako ovanthu avelivili na vakwavo.

 Lityilika ovipuka vikuyapula ku vakwenyi. Povipuka ovio pati nokutona unene okukala vala mono watisapi nono feisembuke. Ivesi yokukala movipuka ovio, kala na vakwenyi, oovola omapanga otyotyili.

•   Onondunge mb’Ombimbiliya: “Epanga liotyotyili, oyou ukuhole umwe apeho, ulinga omukulu wove, ondenge yove, owove no putyina tyatokota.” — Omihe 17:17.

 Ovola onomphitilo mbokukwatesako vakwenyi. Okulingila vakwenyi oviwa katyihulu vala kokupameka oupanga wenyi, mahi tupu tyilinga nawa onondunge mbove mbupumphame.

•   Onondunge mb’Ombimbiliya: “Okwaava tyihambukiswa vali tyipona okupewa.” — Ovilinga 20:35.

 Ovola mo site yetu ovipuka ovikwavo Ombimbiliya ipopia, mavikukwatesako okukala nomapanga omawa.