Okutala umwe etyi tyili nokulingwa movilwa vyo ko Ucrânia, utyimona umwe okuti vahohiya onondwa, omalombe ovikapela. Tala vala nkhele etyi omalombe amwe alinga:

•   “Tupandula unene ovita vietu veli nokulwa vaamene otyilongo tyetu tyo Ucrânia . . . Katwemulimbwile, tumulingila omalikwambelo.” — Elombe lyo kapela ko Kievi litiwa o Epifânio Metropolitano I. Etyi apopia tyahonekwa momukanda The Jerusalem Post monthiki 16 ya Março yo 2022.

•   “Elombe lyo kapela kamwe koko Russia katiwa Ortodoxa, lieliongiyile Tyalumingu nomafwalali o Russia, eveti: ‘Lwei umwe, mwahaponwei, petupu ava vetyivila okulwa ngo onwe!’” — Reuters, 3 ya Abril yo 2022.

 Okuti tyaviuka umwe ovanthu va Huku vende movilwa? Oityi Ombimbiliya ipopia?

 Ombimbiliya ipopia okuti ovalanduli votyotyili va Sesusi Kilisitu kavapondola okwenda movilwa.

•   “Kondola omutunga pomphangu yao, mokonda aveho vakuatela vakuavo omutunga navo mavakaipawa nomutunga.” — Mateusi 26:52.

   Okuti omunthu wenda movilwa nomunthu wokukuatesako ava vokuna nokulwa, uli umwe nokutavela otyitumino otyo tya Sesusi?

•   ‘Ame ndyimupa otyitumino otyipe, tyokuti kalei noluembia pokati kenyi. Ngetyi ame nakala noluembia no onwe, no onwe kalei noluembia pokati kenyi. Moluotyo, ovanthu aveho mavaimbuka okuti muvalongwa vange inkha mukala noluembia pokati kenyi.’ — Suau 13:34, 35.

   Okuti omunthu wokukuatesako ovilwa ngotyo una umwe oluembia Sesusi apopia okuti olwo malwiimbukisa ovalongwa vae?

 Opo unoñgonoke vali etyi Ombimbiliya yapopia tyayemba kovilwa, tanga onthele yokuati: “A guerra é compatível com o cristianismo?”

 Okuti nkhele kuna umwe ovanthu vehelipake movilwa? Yoo, nkhele kuna. Onthwe tuli “kononthiki mbahulililako”, iya Ombimbiliya yapopia-le kohale okuti kononthiki ombo makukakala ovanthu valinga umwe etyi Sesusi alongesile. Ovanthu ovo “kamavelilongesa vali okulwa.” — Isaías 2:2, 4.

•   Tanga onthele yokuati: “Oñgeni Huku Atala Ovita?”

 Apa katutu, Siovaa, a “Huku yombembwa,” meya okuyovola ovanthu ku ava “vokuvelinga onya no vokuveveta.” — Ova Filipu 4:9; Salmo 72:14.

•   Tala ovidiu yokuati: Ouhamba wa Huku Oityi?