Pola Ouwa Kotyilikutila Tya Sesusi
Mouye auho, omanima aeho ovanthu ovanyingi veliongiya no Nombangi mba Siovaa, opo vahinangele ononkhia mba Sesusi. (Luka 22:19) Eliongiyo olio litukwatesako okupandula Sesusi, waava omwenyo wae opo ayovole ovanthu. Tupu otyilikutila tya Sesusi tyipondola okutukwatesako pehepano nokomutwe wandyila. — Suau 3:16.
Tyilinge enima lino weile kehinangelo lya Sesusi, tyilinge kweile, oityi una okulinga opo upole ouwa kotyilikutila tya Sesusi? Sesusi wapopia ovipuka vivali twesukisa okulinga:
1. Noñgonoka Siovaa na Sesusi. Melikwambelo Sesusi alingile, wapopile okuti: “Opo vakamone omuenyo uhapu, vena okunoñgonoka ove Huku wike wotyotyili, nokunoñgonoka una ove watuma, Sesusi Kilisitu.” — Suau 17:3.
2. Linga ngeetyi welilongesa. Sesusi wapopia okuti tuna okulinga ngeetyi etulongesa. Etyi amanuhula elongomona liae lyo komphunda, wamanuhula nonondaka mbati: una “utehelela onondaka mbange, alingi etyi napopia.” (Luka 6:46-48) Monthiki onkhwavo apopi vali okuti: “Inkha muanoñgonoka ovipuka ovio, mamukala nehambu inkha muvilinga.” — Suau 13:17.
Okuti wahanda okunoñgonoka vali Huku na Sesusi? Wahanda okukwateswako okweendela mweetyi uli nokulilongesa? Ovipuka evi pombwelo apa vipondola okukukwatesako.
Okulilongesa Ombimbiliya
Okulongesa ovanthu Ombimbiliya tyili nokukwatesako ovanthu ovanyingi okuinoñgonoka, nokweendela-mo.
Enda pana pokwati Okulilongesa Ombimbiliya opo utyinoñgonoke vali nawa.
Tala ovindiu yati: Liepeko!, Motyimono okuti okulilongesa Ombimbiliya no Nombangi mba Siovaa otyiwa.
Omaliongiyo Onombangi mba Siovaa
Onombangi mba Siovaa mosimanu veliongiya tuvali pala okufenda Siovaa Mondyuo Yomaliongiyo. Momaliongiyo atyo oo, tulilongesa Ombimbiliya, tupu tulongesiwa okweendela mweetyi tulongesiwa.
Momaliongiyo etu, mulingwa etyi tyitiwa omalongomona; ine apa ukala petupu ombangi ya Siovaa ove mwene utyii ine motalela omaliongiyo mo Zoom oo molingi vala awike.
Tala ovindiu yati Oityi Tyilingwa Mondyuo Yomaliongiyo? Monoñgonoka ovipuka mokavasa meliongiyo.
Opo uvase omaliongiyo popepi naapa ukala, enda pana pati: Omaliongiyo.
Onovindiu Nomikanda
Mo site yetu muna omikanda ominyingi no novindiu mbupondola okukwatesako okunoñgonoka nawa etyi Sesusi alongesile nokupanda otyilikutila tya Sesusi.
Opo unoñgonoke omokonda yatyi ononkhia mba Sesusi mbuyovolela ovanthu ovanyingi-nyingi, tanga onthele yati: “Oñgeni Sesusi — Etuyovola?” no yokwati: “Oityi Jesus Amonesililwe Ononkhumbi Iya Aipawa?” tupu upondola okutala ovindiu yati: Omokonda Yatyi Sesusi Ankhila?
Hamwe Noove Uhanda
ESSENTIAL BIBLE TEACHINGS
Omokonda Yatyi Sesusi Ankhila?
Ombimbiliya ipopia okuti ononkhia mba Sesusi mbuna esilivilo enene. Okuti ononkhia mbae mbuna etyi mbueta?
ETYI OMBIMBILIYA ILONGESA
Hetekela Okulongeswa Ombimbiliya
Ovola ou mamulilongesa nae Ombimbiliya mekulongesa vala otyali.
ONTHUE VALIE
Endyu Komaliongiyo Onombangi mba Siovaa
Noñgonoka apa tuliongiyila, no ñgeni tufenda Huku. Ovanthu aveho vapondola okunyingila-mo, kamufetelwa.
ONTHUE VALIE
Ehinangelo Liononkhia Mba Sesusi Kilisitu
Omanima atyo aeho, onthue Nombangi mba Siovaa, tuliongiya tuhinangele ononkhia mba Sesusi. Pahe no ove tuahanda uye, utale oñgeni eliongiyo olio lipondola okukukuatesako momuenyo wove.
