Sesusi utyii umwe nawa okuti tyiihama unene okumona emone kombanda youngangala nokulingwa onya. Mokonda, ngwe wahungilwe, avemuvete onya, avemukoyesa vala omapita, avemuti walinga etyi tyapenga ngwe kalingile natyike tyapenga, avemwiipaa ononkhia mbumwe onombi. Sesusi weliava umwe aipawe ngootyo opo ‘aave omwenyo wae ayovole ovaunyingi.’ (Mateusi 20:28; Swau 15:13) Mokonda pahe Ohamba Youhamba wa Huku, apa katutu makamana-ko tyokulingwa onya kombanda yohi aiho, noungangala awahakakala-ko vali. — Isaiya 42:3.

 Ombimbiliya ipopia etyi ouye maukakala tyina Sesusi amehimbika okutumina pano pohi:

•   “Apa katutu onondingavivi kamambukakala-ko vali. Mokatala apa ankho mbukala, kambu-po vali. Mahi onondalawa mavakapiñgana ohi, avakakala-ko nehambu enene nombembwa onene.” — Oviimbo 37:10, 11.

 Oityi tuna okulinga tulekese okuti twapandula ovipuka Sesusi etulingila, neevi meketulingila komutwe wandyila? Mu Luka 22:19, Sesusi wapopila ovalanduli vae vahinangele ononkhia mbae. Otyo omanima atyo aeho Onombangi mba Siovaa veliongiyila vahinangele onthiki Sesusi aipawa. Tukukonga opo noove uye Tuhinangele atuho ononkhia mba Sesusi, Tyalumingu 24 ya Tyitalale yo 2024.

Vasa Apa Mapalingilwa Ehinangelo